Skip to Content

 

   

11 DE FEBREIRO - DÍA DA MULLER E A NENA NA CIENCIA

O 11 de febreiro é o Día da Muller e a Nena na ciencia e dende o colexio queremos facer visible o papel tan importante que xogaron e xogan a día de hoxe no avance e progreso da nosa sociedade.

O noso alumnado fará un estudo por titorías das distintas figuras femininas que aportaron o seu esforzo e saber ao campo da ciencia e ademais o alumnado de 4º, 5º e 6º participarán nuns obradoiros organizados pola Universidade de Santiago de Compostela titulados "Unha enxeñeira ou científica en cada cole" (https://unhaencadacole.gal/).

Queremos agradecer que dúas científicas da Universidade de A Coruña veñen a dar un relatorio para os nosos grupos de 5º e 6º de Educación Primaria.

 

RECURSOS:

  1. Xogo de cartas da muller na ciencia, reglas

DÍA DA PAZ 2023

Este ano celebramos o Día da Paz lembrando que no mundo temos unha guerra que non chegou todavía ao seu fin.

O alumnado participou creando a bandeira de Ucraína con mensaxes de paz.

RESERVA DE PRAZA PARA CENTROS ADSCRITOS

Procedemento de admisión de alumnado en centros docentes sostidos con fondos públicos para o curso 2023/2024

Aplicación para a xestión de reserva coas instrucións (premer no enlace)

 AdmisionAlumnado

 

Fase de reserva de prazas en centros de adscrición

De conformidade coa disposición adicional primeira da Orde do 21 de outubro de 2022 que regula o procedemento de admisión de alumnado en centros docentes sostidos con fondos públicos, o 16 de xaneiro de 2023 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

•O prazo de solicitudes abranguerá do 16 de xaneiro ao 6 de febreiro de 2023, ambos incluídos.

A consulta das listaxes de alumnado admitido, que se publicarán antes do 28 de febreiro, debe realizarse no centro no que está matriculado no presente curso ou na aplicación admisionalumnado.

 

CALENDARIO 2023 - OS XOGOS POPULARES

Este ano o alumnado participou no calendario de parede coas súas interpretación de cadros ilustres onde aparecen os xogos populares como tématica central da imaxe.

No arquivo adxunto podedes ver o resultado.

ESCOLA DE FAMILIAS - CONCELLO DE FERROL

A Concellería de Benestar Social, xunto coas entidades que forman parte do grupo de traballo de infancia, adolescencia e familia (impulsado por esta propia área municipal), continúa nesta segunda avaliación coa ESCOLA DE FAMILIAS MUNICIPAL. Neste caso, o tema abordado será a sexualidade, con tres sesións durante o mes de febreiro.

As sesións serán os mércores e terán lugar, como no primeiro módulo, no salón de actos da Casa Solidaria (rúa Velázquez), nomeadamente os días 1, 8 e 15 de febreiro.

 

FESTIVAL DE NADAL 2022

Estimadas familias; este ano retomamos o noso festival de nadal coa participación de tódolos grupos en dúas quendas:

  • 21 de decembro para o alumnado
  • 22 de decembro para as familias a partir das 12:00

 

Para poder organizar a asistencia das familias, facilitamos uns horarios aproximados para que teñades tempo para vir e ver ao voso/a fillo/a.

ORGANIZACIÓN

 

1. ☐ 12:00 4º Educación Infantil (3 anos) ”Din don dan”.

2. ☐ 12:15 5º Educación Infantil (4 anos) “Volver a casa por Nadal”.

3. ☐ 12:20 6º Educación Infantil (5 anos) “Apalpador”.

4. ☐ 12:30 1º e 2º Educación Primaria  ”Con un sombreiro de palla”.

5. ☐ 12:35 3º e 4º Educación Primaria  ”Joy to the world”.

 

6. ☐ 12:45 5º e 6º Educación Primaria  “Capitán mi capitán”, “Panxoliñas”.

 

 

OS XOGOS POPULARES

 

Que xogos rondan os nosos corredores...

   
O PEÓN (S/V) OS ZANCOS (C/V)  A CHAVE (S/V)
     
A COMBA (C/V) AS CHAPAS (C/V) A PETANCA (S/V)
     
A PITA CEGA (C/V) OS BOLOS (C/V)  O ARO(C/V)
   
A MARIOLA (C/V) A RODA (C/V) O PANO (S/V)
     
O BOLICHE (C/V)    

 

 

CARREIRA SOLIDARIA CONTRA A LEUCEMIA INFANTIL

Estimada comunidade educativa, queremos agradecer en nome da Fundación UNOENTRECIENMIL a vosa colaboración na VOLTA AO COLEXIO contra a leucemia infantil. 

Grazas a aportación solidaria da nosa comunidade poderán seguir investigando no estudo desta enfermidade.

Para máis información tedes a páxina web.

 

 

ELECCIÓNS AO CONSELLO ESCOLAR 2022

 

Este ano celebramos eleccións ao Consello Escolar, a continuación tedes toda a información relacionada co proceso:

  1. Publicación no DOG da Resolución do 19 de setembto de 2022.
  2. Circular informativa anunciando o sorteo da Xunta Electoral e o proceso.
  3. Sorteo público ás 13:30 para a designación dos integrantes da xunta electoral.
  4. Citación aos membros seleccionados para constituir a Xunta Electoral o día 8 de novembro ás 18:15.
  5. Constitución da Xunta Electoral o día 8 de novembro.
  6. Calendario de actuacións. 
  7. Folla (formulario) para a presentación de candidaturas. (Ata o 18 de novembro)
  8. Candidaturas presentadas para o sector das familias

AMPLIACIÓN DA AXUDA PARA ADQUIRIR MATERIAL ESCOLAR

No Diario Oficial de Galicia do día 14 de outubro de 2022 está publicada a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022.

https://www.xunta.gal/dog/Publicados/2022/20221014/AnuncioG0655-061022-0001_gl.html

Nesta resolución establécese que os beneficiarios do vale para adquirir material escolar por importe de 50€ recibirán un vale adicional de 25€.

 

As familias podedes retirar os vales na secretaría do centro de luns a venres en horario de 09:00 a 09:50.Coa retirada do vale asinaredes un recibí onde especificaredes o DNI.

 

Estes vales deben ser gastados antes do 1 de decembro 2022.

Distribuir contido


by Dr. Radut