CEIP de Esteiro

PREMIO XX Certame de poesía e imaxe, En galego, sen filtro 2020

O traballo realizado polo alumnado de 5º de Educación Primaria do ano pasado na categoría de Audiovisuias foi premiado.

Noraboa a todo o alumnado e a inestimable axuda de Daniel Agulló.

CHARLA SOBRE O PAPEL DA MULLER NA CIENCIA

O xoves 18 de febreiro teremos a gran sorte de contar cunha ex-alumna do noso centro que xa apuntaba maneiras no pasado.

Lucía Toval Barcelo e o seu compañeiro Brais Romalde Campos, alumno do IES Sofía Casanova empregan un software KNIME para o diagnóstico de pacientes con Párkinson empregando gravacións de voz.

(fonte: Enfoques.gal)

Agradecemos enormemente que veña de novo ao noso colexio para compartir co alumnado de 5º e 6º a importancia da ciencia e das figuras femininas na mesma.

Información de interese:

DÍA DA MULLER NA CIENCIA 2021

Este ano as nenas e nenos do colexio traballaraon unha serie de figuras femininas que destacaron e aportaron o su gran de area ao campo da ciencia.

Aquí tedes o traballo, desfrutade!

COLABORACIÓN COA EMPRESA PCE IBÉRICA S.L.

Grazas á doazón da empresa PCE IBÉRICA S.L., contamos no centro cun medidor de CO2 que nos permite medir a calidade do aire no interior do centro de cara a realizar as ventilacións oportunas

Este ano non poidemos facer un acto colectivo entre tódolos grupos do colexio, pero si traballamos esta data tan sinalada dende cada titoría traballando os distintos símbolos que representan a palabra e o termo PAZ.

Grazas a páxina de UNICEF poidemos facer unha análise previa para ver estes símbolos e escoller por aulas o que máis gustaba.

Aquí tedes algunhas cousas fermosas que fixeron as titorías:

ESCOLA DE FAMILIAS DO CONCELLO DE FERROL

A Asociación ASFEDRO en colaboración co Concello de Ferrol acaba de poñer en marcha o Programa de Prevención de condutas aditivas no ámbito familiar.

Aquelas familias que teñades interese en participar tedes toda a información no arquivo adxunto.

EXTRACTO DA CARTA INFORMATIVA:

Estimadas familias:

A asociación Asfedro e a asociación Ex-Alcohólicos de Ferrolterra, en convenio co Concello de Ferrol oferta a posibilidade de realizar unha Escola de familias con nenos/as en idade escolar.

Na escola abordaranse os seguintes temas:

A comunicación familiar e os estilos educativos
Normas e límites
Adolescencia, drogas e adiccións. Enfoques actuais.
Prevención de condutas adictivas: Adiccións con sustancia e adiccións comportamentais.
Riscos das novas tecnoloxías da información e da comunicación.

Levarase a cabo no Centro Municipal de Servizos Sociais na Rúa Sánchez Barcaiztegui do Concello de Ferrol os días 15 e 22 de febreiro e 1, 8, 15 e 22 de marzo de 2021 en horario de 17:00 a 18:30 horas.

Se estades interesadas en participar podedes inscribiros na asociación Asfedro a través do correo electrónico: prevencionasfedro@gmail.com antes do día 10 de febreiro de 2021 adxuntando: Nome e apelidos, número de fillos/as e idade dos mesmos/as, teléfono de contacto e dirección de correo electrónico.

Para máis información podedes chamar a entidade Asfedro: 981372112 e preguntar pola técnica de prevención.

Moitas grazas.