Skip to Content

Deporte Escolar

Equipo que dinamiza todas as actividades deportivas do colexio e o PDC Guillarei activo e saudable

CAMPAMENTO DE VERÁN DEPORTIVO DA ANPA

25 Xuño, 2021 - 12:30 — fdsobral

Campamento de verán multideportivo: NOVIDADE este ano organizado pola ANPA do colexio e que de momento so sabemos que hai unha alta participación de alumnado do centro e que está enfocado dun xeito lúdico e deportivo.

A MILLA DIARIA EN TEMPOS DO COVID 19

25 Xuño, 2021 - 12:29 — fdsobral

 Alumnado de 4º curso facendo a milla.

Programa “A milla diaria (suma semanal e mensual): Este programa, conseguimos levalo a práctica durante todo o curso. Participaron todo o alumnado e profesorado (andando ou trotando) de infantil e educación primaria.

Traballamos de forma transversal e interdisciplinar os contidos da actividade física diaria e hábitos saudables (alimentación, hixiene, condutas nocivas , sedentarismo asociado a pantallas-).

O percorrido foi medido empregando novas tecnoloxías, tendo unha distancia de 540 metros, precisando realizar 3 voltas para alcanzar a distancia de 1 milla. O alumnado e profesorado anotou ao longo do curso a medición diaria nunha folla de control posta cada mes no panel informativo do PVDA que está na entrada da biblioteca.

Destacaron especialmente os cursos de 3º e 4º curso de educación primaria, cunha participación moi alta cada mes. Parabéns a tod@s e o próximo ano moito ánimo a tod@s.

2º curso

3º curso

 

 

 

COÑECE O MEU CLUB "KAYAK TUDENSE"

25 Xuño, 2021 - 12:27 — fdsobral

Programa “Coñece o meu club” (Promocións de clubs deportivos): este ano tivemos que suspender as programadas para o principio de curso, facendo soamente a de piragüismo co Club Kayak Tudense no mes de xuño cos cursos de 5º e 6º de educación primaria.

Mulleres deportistas importantes.

25 Xuño, 2021 - 12:26 — fdsobral

Exposición de murais (petalos xigantes) sobre mulleres deportistas: Traballo relacionado coa investigación de mulleres importantes en varios ámbitos da vida.

Ana Peleteiro, Carolina Marín, Chus Lago, ...

MÓVETE MÁIS "Jerusalema".

25 Xuño, 2021 - 12:25 — fdsobral

Programa “Móvete máis” (coreografía grupal divertida): realizouse durante os meses de setembro e outubro con cada grupo burbulla a coreografía “Jerusalema”, quedando sen facer o baile grupal todos xuntos no 3º trimestre.

XOGOS POPULARES NO MAGOSTO

25 Xuño, 2021 - 12:23 — fdsobral

Xogos populares no magosto: organizamos unha zona diferente para grupo burbulla, na cal cada clase durante máis dunha hora xogou a diferentes xogos populares. En total foron 7 espazos separados respectando as normas do protocolo, con distancias e sen compartir os materiais.

DAFIS ADAPTADO A 1ª OPCIÓN DO PROTOCOLO

25 Xuño, 2021 - 12:22 — fdsobral

Proba de flexibilidade

Programa DAFIS (Valoración da condición física): Programa que serve para o control e valoración da condición física a saúde do alumnado de 1º a 6º curso de educación primaria, coa realización de diferentes probas físicas adaptadas á 1ª opción do protocolo, como por exemplo:

1ª OPCIÓN. Mantemos o protocolo proposto pola Xunta de Galicia. Mesmas probas en todas as idades. Consideracións:

a) Uso continuo da máscara.

b) Desinfección de materiais antes e despois de cada uso: ◦ Material de antropometría: tallímetro, báscula e cintas. ◦ Dinamómetro dixital, material velocidade-axilidade, caixón de flexibilidade e barra horizontal.

c) Mantemos a distancia de seguridade en todas as probas, incrementada a 2,5 metros, con especial atención na proba da Course Navette. Ventilamos ao máximo o espazo cerrado: pavillón escolar, cos 2 portóns abertos.

Os datos destas probas están rexistrados no programa DAFIS, do cal o coordinador do noso colexio fixo formación fai 4 anos en Vigo e fai 7 anos en Santiago de Compostela. Todo o alumnado de educación primaria pasou as probas físicas e as diferentes medicións durante o primeiro trimestre do curso.

Axilidade e velocidade.

Forza

 

Peso e altura.

Forza isométrica

Perímetros de cintura e cadeira.

Altura

Panel informativo.

RECREOS ACTIVOS E PATIOS DINÁMICOS ADAPTADOS AO PROTOCOLO COVID19

25 Xuño, 2021 - 12:20 — fdsobral

Recreos activos e patios dinámicos: Este curso tivemos que adaptarnos o protocolo do COVID19, co cal repartimos un baúl de material diverso a cada grupo/clase, o cal só podía xogar cada grupo burbulla e na zona indicada de cada grupo no patio exterior do patio ou no pavillón nos días de chuvia. Destacar que houbo dúas quendas de recreo. O como reflexión indicar que o positivo deste ano o alumnado xogou máis cos seus compañeir@s de seu grupo-clase.

petanca

 

 

 

FORMACIÓN DE MESTRES EN RUTAS NÁUTICAS EDUCATIVAS

25 Xuño, 2021 - 12:17 — fdsobral

FORMACIÓN ESPECÍFICA DE MESTRES

O pasado 11 de xuño o mestre de educación física participou nunha formación específica sobre rutas náuticas educativas en Kayak cara as bateas da ría de Vigo fronte a Moaña, acompañados por un experto no cultivo do mexilón e nunha andaina relacionada coa historia mariñeira da vila de Cangas do Morrazo e a industria conserveira e das baleas da familia Masó, acompañados con guías turísticos.

O obxectivo desta experiencia e levar o próximo ano ao alumnado para que teña experiencias interdisciplinares sobre estes contidos.

Estas actividades están organizadas por ECODESTIN (Proxecto europeo INTERRG) en Moaña e Cangas do Morrazo en xuño 2021.

Iniciación ao piragüismo

22 Xuño, 2021 - 11:51 — fdsobral

PROXECTO DE VIDA ACTIVA E DEPORTIVA (PVAD): “GUILLAREI ACTIVO E SAUDABLE”

O pasado mércores 9 de xuño os grupos de 5º e 6º curso de educación primaria, participaron nunha xornada especial, con 2 experiencias moi interesantes como foron:

1º) A realización dunha ruta pola cidade vella de Tui titulada “O túnel de Dona Urraca”: tendo como saída a praza de S.Fernando na Catedral, o alumnado mediante un plano con pistas foi descubrindo e aprendendo moitas cousas de Tui e de Dona Urraca “A Temeraria”.

Ao rematar esta ruta, continuamos camiñando pola alameda cara a mariña a carón do río Miño, onde tivemos a sorte de coincidir co Cabo Fragata. Xa no parque do Penedo, merendamos e tivemos un ratiño de lecer e xogar na tirolina e tobogán.

2º) Xa no centro interfederado do río Miño, esperábannos Manuel (presidente), Jose Luis Bouza (adestrador e subcampión do mundo de piragüismo )e Raimon (monitor); membros do club Kayak Tudense; os cales foron moi amables e iniciáronnos na práctica de iniciación ao piragüismo, deporte tan arraigado na nosa contorna.

 

SAÍDA ESPECIAL (O TÚNEL DE DONA URRACA E INICIACIÓN AO PIRAGÜISMO)

11 Xuño, 2021 - 11:50 — fdsobral

PROXECTO DE VIDA ACTIVA E DEPORTIVA (PVAD): “GUILLAREI ACTIVO E SAUDABLE”

O pasado mércores 9 de xuño os grupos de 5º e 6º curso de educación primaria, participaron nunha xornada especial, con 2 experiencias moi interesantes como foron:

1º) A realización dunha ruta pola cidade vella de Tui titulada “O túnel de Dona Urraca”: tendo como saída a praza de S.Fernando na Catedral, o alumnado mediante un plano con pistas foi descubrindo e aprendendo moitas cousas de Tui e de Dona Urraca “A Temeraria”.

Ao rematar esta ruta, continuamos camiñando pola alameda cara a mariña a carón do río Miño, onde tivemos a sorte de coincidir co Cabo Fragata. Xa no parque do Penedo, merendamos e tivemos un ratiño de lecer e xogar na tirolina e tobogán.

2º) Xa no centro interfederado do río Miño, esperábannos Manuel (presidente), Jose Luis Bouza (adestrador e subcampión do mundo de piragüismo )e Raimon (monitor); membros do club Kayak Tudense; os cales foron moi amables e iniciáronnos na práctica de iniciación ao piragüismo, deporte tan arraigado na nosa contorna.

Grupos de 5⁰ e 6⁰ curso

Preparando as piraguas no río.

 

Momento final de baño.

Chegada a Tui e inicio da ruta de Dona Urraca.

Pistas a localizar e descubrir pola cidade vella.

 

ÁMBITO 4: DENTRO DO CENTRO E FORA DO HORARIO LECTIVO

7 Xuño, 2021 - 10:29 — Víctor

Actividades de promoción de actividade física unha vez rematada a xornada escolar, pero dentro do centro educativo.

Este ano se tiñan planificado as seguintes actividades:

  • As actividades extraescolares organizadas pola ANPA previstas como bádminton, xadrez ou balonmán non se realizaron por mor do COVID19.
  • As actividades deportivas (escolas municipais) que organiza o Concello de Tui e se desenvolven no pavillón do centro e na cal participa parte do noso alumnado; este curso nalgúns momentos do curso e con moitas restricións houbo escolas de tenis e adestramentos concretos de patinaxe.
  • Como NOVIDADE de fin de curso e co aparente melloría da pandemia; a ANPA organizou un "CAMPAMENTO DE VERÁN MULTIDEPORTIVO". O cal é un éxito de inscrición.

ÁMBITO 3: FORA DO CENTRO E DENTRO DO HORARIO LECTIVO

7 Xuño, 2021 - 10:28 — Víctor

Actividades de promoción de actividade física fóra do centro educativo pero durante a xornada escolar (excursións, actividades fóra do centro, convivencias, etc.).

Por exemplo:

  1. A participación no proxecto da "Milla Diaria".
  2. A promoción e iniciación ao "PIRAGÜISMO" no río Miño (centro interfederado) co Club Kayak Tudense.
  3. Rutas e busca de pistas pola cidade antiga de Tui.

ÁMBITO 2: DENTRO DO CENTRO E DENTRO DO HORARIO LECTIVO

7 Xuño, 2021 - 10:25 — Víctor

Neste ámbito están recollidas as actividades de promoción de actividade física durante a estancia do alumnado no centro educativo.

Actividades desenvolvidas como por exemplo:

  1. As xornadas lúdicas. (xornada con multixogos de retos deportivos entre os diferentes grupos burbulla).
  2. O patio activo (Xogando no recreo). Repartindo un baúl de material variado e motivando o alumnado a xogar e moverse no tempo de lecer.
  3. O proxecto DAFIS. Coa realización das diferentes probas físicas nos cursos de educación primaria. Ao ser un colexio pequeno non tivemos problema co protocolo Covid, e as probas realizarónse como sempre, desinfectando algún material concreto.
  4. Móvete + (Coreografía "Jerusalema"): Práctica cos diferentes cursos desta coreografía ao logo do 1º trimestre.

ÁMBITO 1: FORA DO CENTRO E FORA DO HORARIO LECTIVO

7 Xuño, 2021 - 10:22 — Víctor

Neste ámbito están recollidas as actividades de promoción de actividade física en tempos de lecer, vacacións, fin de semana, etc.

Este por mor do COVID19, non poidemos participar; máis cando se poida ao igual ca outros anos retomaremos as propostas e proxectos anteriores como por exemplo:

  1. Probas deportivas do XOGADE (Campo a través, Atletismo en Pista, Bádminton, ...).
  2. Saída a neve. (Viaxe a Leitariegos cos grupos de 5º e 6º de educación primaria. Iniciación ao esquí nórdico.
  3. Campamentos.
  4. Actividades no medio natural como o proxecto da "ALOIADA" co resto das escolas do concello de Tui.
Distribuir contido


by Dr. Radut