Proxectos de traballo

CUIDADÍN Y GASTÓN - Un cuento sobre consumo responsable

Mér, 12/02/2015 - 22:53 — Anónimo

Un conto para aprender aspectos tan importantes como a contaminación, a sostenibilidad e a reciclaxe.

Cuidadín, móvese en bicicleta e compra no mercado ecolóxico. Gastón móvese en coche que contamina en exceso, ademais tira o lixo en cualquera parte. Pouco a pouco Cuidadín vai ensinando a Gastón o moito que afecta ao medio ambiente o seu comportamento...

https://www.youtube.com/watch?v=ieiNPs0dv-k

NAVEGA CON RUMBO na internet

Xov, 11/26/2015 - 00:07 — Anónimo

O Colexio Profesional de Enxeñaría en Informática de Galicia (CPEIG), en colaboración coa Xunta de Galicia, presenta o Plan Navega con Rumbo polo Ciberespazo, para que vos mentalices da necesidade de facer un uso responsable de internet.

A través de internet podes buscar información para realizar os teus traballos e tamén coñecer e comunicarte cunha chea de persoas ou divertirte xogando, pero tamén supón unha serie de riscos, como son os contidos inapropiados ou a facilidade de contacto con persoas que non son sempre o que semellan ou din ser.

O Plan Navega con Rumbo polo Ciberespazo inclúe unha serie de guías dirixidas ao alumnado, ao profesorado e ás nais e pais con recomendacións e consellos necesarios para navegar con responsabilidade polo ciberespazo.

http://www.edu.xunta.es/navegaconrumbo/presentacion.html

ÁRBORES E CONSUMO RESPONSABLE

Sáb, 11/21/2015 - 23:28 — Anónimo

Os alumnos e alumnas de 3º saímos a estudar as árbores da avenida Castelao.

Recollimos follas das árbores para estudar as súas formas. Falamos de como as árbores transforman o dióxido de carbono en osíxeno cando realizan a fotosíntese, e por iso axudan a mellorar o medioambiente

Tamén vimos o panel informativo da estación metereolóxica que hai alí instalada. Informa de que nese momento o aire era limpo.

Ao chegar a clase decidimos participar tamén nos na conservación do medio ambiente.

Plantamos unhas sementes de árbores que tiñamos na aula...

E creamos estes carteis de CONSUMO RESPONSABLE

-CORTAR ÁRBORES

+PLANTAR ÁRBORES

+OSÍXENO

+SAÚDE

Alfredo e Xandre

MURAL DE ENTRADA NO CENTRO

Ven, 11/06/2015 - 01:55 — Anónimo

Cada aula aportou algún debuxo dun neno

ou nena para decorar este mural.

O alumnado de 5º realizou o mapa mundi

e o alumnado de 6º fixo os carteis

dos continentes, mares e océanos.

TALLER "COCIÑACONCLAN". Educación para o consumo responsable

Dom, 10/04/2015 - 23:49 — Anónimo

Todas as alumnas e alumnos de Primaria participaron neste taller. Poideron comprobar que fácil e divertido é cociñar. Aprenderon que para medrar sanos é moi importante facer exercicio e alimentarse de maneira sana e equilibrada:

Debemos facer 5 comidas ao día: almorzo, media mañá, xantar, merenda e cea.
Todos os días: 6 -8 vasos de auga, lácteos, froitas e verduras, froitos secos, cereais e aceite.
Varias veces a semana: legumes, peixes, aves e ovos.
Con menos frecuencia: doces, carnes vermellas e embutidos.
Todos os días realizar actividade física.

PROXECTO " CONSUM-ILLAS. CON - VIVO +"

Dom, 10/04/2015 - 23:19 — Anónimo

Co este proxecto queremos potenciar no noso alumnado a educación para o consumo responsable, así como motivar un traballo activo e colaborativo de alumnado e profesorado.

Consideramos que o consumo responsable é un compoñente fundamental para axudar o noso alumnado a empregar de forma responsable os recursos dispoñibles.