Dende BiblioAcuña quixemos saber máis sobre a festa do entroido, tan típica da nosa provincia. O alumnado de quinto e sexto investigou sobre o entroido, especialmente o de Laza, Xinzo e Verín. O resto do alumnado fixoo sobre comidas e sobremesas deste tempo. A seguir podedes ver o resultado dos seus traballos:
Pinchade nos enlaces.
Vídeos sobre comidas e sobremesas típicas do entroido:
Na BiblioAcuña celebramos o día da Paz partindo da idea de que temos que empezar a construila dende a nosa contorna máis próxima. Nos días previos ao 30 de xaneiro cada alumna/o escribiu unha palabra ou frase nunha pluma. Con todas as plumas formáronse as ás da nosa pomba da Paz.
Outros alumnos tamén nos presentaron os seus traballos sobre a Paz como se pode ver nos seguintes vídeos:
E terminamos cantando a canción "Danza da Paz" de Mamá Cabra.
O alumnado de primaria xa ten listos os seus "marcalibros" para utilizar cada vez que collan prestado un libro na biblioteca. Deste xeito inténtanse manter ben ordenados os fondos da biblio, pois cada alumno/a sabe onde ten que colocar o libro que devolve.
No presente curso escolar o Equipo da Biblioteca do CEIP Manuel Luis Acuña de Ourense crea este blog para dar a coñecer entre a comunidade educativa as actividades realizadas desde a Biblioteca do Centro ou relacionadas con ela. Ademais, pretendemos dinamizar este espazo para convertelo no eixe vertebrador das actividades do colexio.
Este curso empezaremos por converter a biblioteca nun espazo máis acolledor donde levar a cabo as actividades que vos iremos mostrando e actualizar os fondos para volvelos máis atractivos á nosa comunidade educativa.
Máis abaixo atoparedes algúns artigos previamente publicados en relación coa biblioteca.
Xunta de Galicia - Consellería de Educación, 2013 | ||
Theme by Danetsoft and Danang Probo Sayekti inspired by Maksimer
