O alumnado de 6º curso visitou o parque de actividades na natureza de Diver Kids, situado en Póvoa do Lanhoso (Portugal) como premio por ter sido os gañadores do concurso "Crea o teu xornal" que organizou o xornal "La Rexión".

Neste parque natural realizamos diversas actividades de superación e aumento da autoestima que nos proporcionaron momentos de diversión e alegría.

Galería de imaxes

O alumnado de quinto curso, coordinados pola súa titora, acadou o primeiro premio provincial no Concurso "Crea o teu xornal" que organizou o xornal "La Región".

A continuación reflectimos a entrevista que lle fixeron desde a redacción de "La Región" e que sairá publicada o próximo 29 de xuño.

Como premio iremos de viaxe a Portugal no mes de setembro cos gastos pagados polo xornal..

MOITOS PARABÉNS!!!

Ligazón á nova no Xornal "La Región"

Ligazón ao traballo premiado

¿Qué supone para vosotros ser ganadores?
Una enorme alegría y el hecho de que se reconozca con ello el esfuerzo realizado en equipo.

¿Cómo organizasteis la elaboración del trabajo?
Nuestra tutora nos propuso los temas, lo hablamos y por parejas los fuimos redactando, excepto la entrevista que las preparamos todos juntos. Una vez corregido el texto se lo leíamos a toda la clase y hacíamos los cambios, si era necesario. Revisamos las fotos que ya teníamos o hacíamos otras. El profe Norberto y la Teacher Pilar también nos ayudaron mucho. Ángel, el profe de prácticas nos echo una mano.

¿Qué quisisteis plasmar con vuestro trabajo?
Mostrar las actividades que hacemos en el aula o en todo el colegio y que podemos aprender muchas cosas de una forma diferente, sin tener que utilizar tanto el libro de texto.
Algo que os gustaría destacar 

De todo el trabajo, lo que más nos gustó fue hacer la entrevista a nuestra Orientadora. Destacar también que elaboramos un árticulo para recomendar libros de lectura porque nuestra biblioteca es el lugar que visitamos todas las semanas, llevamos libros para casa o  buscamos información para confeccionar nuestros trabajos y proyectos consultar.

Nos hubiese gustado poder presentaros la despedida que le hicimos a la profesora Auxiliar de Conversa o la predicción del tiempo en las Illas Cíes en inglés, la obra teatro y las otras actividades del curso. Bueno, si queréis las podéis ver en la página web del cole.

Un ano máis, fomos invitados a participar nas prestixiosas Xornadas de Teatro Infantil que organiza o CEIP Xoaquín Lourenzo Xocas en colaboración co Concello de Bande.

Esta vez tocoulle ao alumnado de quinto de Ed. Primaria "codearse" cos mellores actores e actrices infantís da provincia de Ourense. Para a XXI edición deste certame escolleron a obra "Perdidos", escrita pola nosa teacher.

A temática da mesma está relacionada co proxecto de metereoloxía, dentro do programa de meteoescolas, que estamos a desenvolver desde hai dous cursos no noso cole.

Foi unha experiencia "inolvidable", a pesares dor nervios previos a nosa posta en escena.

No seguinte vídeo podedes observar o exitoso estreo...

... esperamos que vos guste:

GALERÍA DE IMAXES

Como en anos anteriores, o noso centro participou no V Concurso de poesía para alumnado de Ed. Primaria i ESO da provincia de Ourense que convocou o Círculo Poético Ourensán. Os participantes achegaron un só poema, en galego ou castelán, e a temática do mesmo tiña que versar sobre aquela persoa, animal, lugar, obxecto ou situación que servira de inspiración aos e ás participantes.

O acto estivo presidido pola Directora da Biblioteca Pública, o Concelleiro de Educación da Deputación e pola directiva do Círculo Poético ourensán. Tres alumnos de 5º curso do noso centro resultaron finalistas nesta edición. Os seus traballos serán editados e pasarán a formar parte dun libro de poesía que será publicado para o vindeiro concurso.

Moitos parabéns para todos e todas os/as participantes i en especial para María, Gabriel e Diego polos seus traballos “Águeda”, “El grillo” e “La mejor mamá”.

Asemade, o colexio recolleu o premio doutra alumna, Camino, que resultou segunda clasificada na IV edición do concurso. O seu poema figura no libro "Cando falo de Ourense o corazón dime...", ao igual que figurarán os dos premiados neste concurso e que se editará para a próxima edición do concurso.

Desde o CEIP Manuel Sueiro felicitamos aos membros do Círculo Poético Ourensán pola organización deste evento que pon en liza o valor e importancia da lectura e escritura de poesía en tempo de lecer.

• Ligazón á entrada en Faceboock do Círculo Poético.

O alumnado de 5º curso participou no III Concurso Xornal escolar de La Región.

Ao longo do primeiro e segundo trimestre o equipo de redacción foi recollendo novas relativas ás diversas actividades que tiveron como protagonista ao noso centro e que ilustraron con imaxes e debuxos que realizou todo o alumnado do cole.

Nas próximas semanas, as mellores edicións serán publicadas os mércores no Xornal escolar de "La Región"...

Esperamos que o noso sexa un deles!!!

Na primeira semana do mes de febreiro o alumnado de 6º curso de Ed. Primaria realizou un novo concurso de animación á lectura sobre a obra de Breogán Riveiro titulada "Tonecho de Rebordechao".

Esta obra recibiu o Premio Raíña Lupa 2004 da Deputación da Coruña. O libro conta as aventuras dun neno: Tonecho, o único pequeno da súa aldea. Rebordechao é unha aldea que queda alá por...chegando á... O certo é que non é doado atopar Rebordechao, nen sequera aínda que a busques. Neste lugar perdido vive Tonecho, o neno máis bo e máis guapo, o mellor de to dos, porque en Rebordechao... non quedan máis nenos ca el.

O desenvolvemento do concurso foi moi igualado ata o final do mesmo, debido ao amplo coñecemento que os lectores tiñan da obra. Ao final, os gañadores resultaron ser a parella formada or Uxía e Ivan que recibiron como agasallo un exemplar da obra de An Alfalla "O fío vermello" que se traballara na Hora de ler ao longo das próximas semanas.

GALERÍA DE IMAXES

Leo dálle moitos parabéns aos mellores lectores do primeiro trimestre.

Espero verte no próximo trimestre nesta imaxe!!

No mes de decembro, o alumnado de 6º curso participou no concurso de animación á lectura sobre o libro de Fina Casalderrey, traballado na Hora de ler, titulado "Alas de mosca para Ángel". Unha fermosa historia que nos fai pensar sobre o difícil que pode resultar a integración pero cunha lenguaxe sinxela e emotiva.

Sinopse do libro:

Chegará algún día no que poida existir unha convivencia feliz entre os seres humanos máis alá das diferencias de ideas ou capacidades? Estrela, unha nova alumna do derradeiro curso de primaria -que recibe clases de apoio-, demostrará ós seus compañeiros de colexio, a súa familia e... a todo o mundo que o máis importante é ter un gran corazón.

Pasámolo xenial demostrando o noso coñecemento sobre o contido do libro. Esta vez as puntuacións acadadas polos diferentes grupos estivo moi igualada ata a última pregunta.

Ao longo do mes de novembro realizamos na entrada do colexio unha exposición con manualidades feitas con castañas na que participaron todos os membros da comunidade educativa que o desexaron.

Os traballos presentados este curso foron dunha gran calidade. Na seguinte galería de imaxes podedes observalos.

GALERÍA DE IMAXES

GAÑADORES DO CONCURSO

Ed. Infantil	1º, 2º e 3º de E. Primaria	4º, 5º e 6º de E. Primaria

O 20 de novembro tivo lugar a entrega de agasallos aos mellores traballos de cada grupo. Neste concurso, todos e todas os/as participantes recibiron un fantástico agasallo destinado a fomentar a súa creatividade plástica. Asemade os gañadores de cada categoría recibiron sendos cadernos cos que comezar a plasmar dita creatividade.

Todo o alumnado do centro participou como xurado na elección dos mellores traballos. Os resultados da votación pódense ver nas seguintes ligazóns:

• Preme para ver resultado da votación do alumnado.

O alumnado de 6º curso traballou ao longo do mes de outubro o libro de Agustín Fernández Paz titulado "No corazón do bosque".

Sinopse do libro:

Raquel ten nove anos e vive na cidade. Un día vai coa súa clase de excursión ao bosque das Fragas do Eume. De regreso na casa, descobre abraiada que se lle coou na mochila un ser vello e diminuto. É Derdrín, un trasno de máis de trescentos anos, que habitaba na fraga e non quería pasar o inverno só. Dille á nena que unicamente precisa conversación e algo de comida. Raquel acepta que se converta no seu hóspede secreto e ofrécelle para durmir a caravana das barbies.

A novela é a crónica dos meses que pasan xuntos, durante os cales Derdrín exercerá unha influencia moi grande na vida da nena, tanto no ámbito familiar como na escola. Unha historia tenra e cargada de humor, que reivindica a necesidade da fantasía e, tamén, a importante función que cumpren os antigos mitos en calquera sociedade.

Como actividade final de Animación á lectura, realizaron un concurso literario no que era preciso ter lido o libro para ter posibilidades de éxito e pasalo ben. O premio para os gañadores foi o libro de Fina Casalderrey "Ás de mosca para Anxo" que será o que se traballará nas próximas semanas na Hora de ler en 6º curso.

Esta actividade gústalle moito ao alumnado e os engancha á lectura en tempo de lecer.

Xa están desexando que chegue axiña o próximo concurso!!

Galería de imaxes