Éxito rotundo da obra de teatro "Leo chega do espazo"!

O pasado 23 de abril, a biblioteca do noso colexio converteuse nun escenario espacial grazas á fantástica obra de teatro "Leo chega do espazo", interpretada polo alumnado de sexto de primaria.

A obra, adaptada e dirixida polo equipo de biblioteca, narra a historia dun libro espacial que, perdido e triste, chega ao noso planeta. Ao chegar, atópase co Libro de Rexistro da biblioteca do CEIP Manuel Sueiro, que se converte na súa guía neste novo mundo.

A través dunha viaxe máxica polas instalacións da biblioteca, Leo descobre a organización do espazo, a clasificación dos fondos documentais e a gran variedade de libros que ten á súa disposición.

A obra, chea de humor e valores como a amizade, a curiosidade e o amor pola lectura, foi un completo éxito. Representouse en varias funcións ao longo do día para que todo o alumnado puidese gozar con ela.

Desde aquí, queremos felicitar a todos os alumnos e alumnas de sexto pola súa gran interpretación, así como ao quipo responsable, polo seu excelente traballo de dirección e guión.

Sen dúbida, unha experiencia espacial que quedará gravada na memoria de todos! 

MÁIS ACTIVIDADES PARA CELEBRAR O MES DO LIBRO

Ao longo do mes de abril destacamos, estre outras, as seguintes actividades:

O pasado 9 de abril, os nenos e nenas de Educación Infantil e 1º de Primaria viviron unha mañá máxica grazas ao contacontos organizado pola concellaría de Educación de Ourense. Baixo o título "Contos no peto", unha contacontos moi especial deleitounos coas súas historias, todas elas gardadas en... adiviñen onde!. Sí, no seu peto.

Nesta ocasión, mergullámonos nunha peculiar tenda de sombreiros situada na zona vella de Ourense. Esta non era unha tenda calquera, pois os sombreiros que alí se vendían tiñan un don especial: curaban os males de quen os mercaba. A través desta tenra historia, aprendemos unha valiosa lección: o tesouro máis preciado que posuímos atópase no noso interior. Só temos que saber buscalo para atopalo.

A sesión estivo chea de risas e momentos de gran emoción. Os nenos e nenas gozaron ao máximo da experiencia, contaxiándose da maxia que emanaba de cada palabra narrada. Sen dúbida, unha actividade que fomentou a súa imaxinación e creatividade, ademais de inculcarlles valores importantes como a autoestima e a positividade.

Dende o colexio, queremos agradecer á concellaría de Educación de Ourense por organizar este contacontos tan especial, así como á contacontos pola súa profesionalidade e cercanía cos máis pequenos.

Agardamos poder gozar de novas aventuras con eles no futuro!

Encantadora sesión do Club de Lectura de 1º de EP.

Ao longo do primeiro trimestre, o alumnado de 1º de EP mergullámonos nas páxinas de "Luuume!!!", un bonito álbum ilustrado que conta a conmovedora historia do pequeno Mixto, un personaxe que está constantemente enfadado.

Esta historia, máis que unha simple narración, revelouse como unha valiosa ferramenta para promover a autoaceptación, a xestión da ira e o desenvolvemento do autocontrol nos nenos e nenas.

A actividade, realizada no club de lectura e na hora de ler, contou coa participación entusiasta dos pequenos lectores, acompañados das súas mestres e amigos e amigas do cole. Xuntos, realizaron unha emotiva viaxe ao mundo de Mixto, explorando as leccións de vida que ofrece este personaxe.

A historia non só capturou a imaxinación dos nenos, senón que serviu de plataforma para importantes conversas sobre emocións. Mama Pinza, Papa mestra Novelo e os seus amigos apagan o lume de Mixto e fanlle entender que enfadarse non é malo, o que non está ben é que a ira se apodere de ti. Como unha das mensaxes centrais destacouse a importancia de comprender as emocións e aprender a xestionalas.

A actividade non se limitou á lectura do conto. Os participantes mergulláronse en diversas técnicas de respiración, aprendendo a manter a calma mediante prácticas de mindfulness.

A actividade culminou coa creación de fermosas caixas de Luuume feitas a man, adornadas cos entrañables personaxes da historia, que engadiron un toque creativo e manual á experiencia.

Como colofón desta actividade do club de lectura, o alumnado participante realizou unha emocionante dramatización do conto na biblioteca, onde os nenos e nenas de primeiro curso compartiron a súa aprendizaxe co resto dos seus compañeiros e compañeiras do cole en dúas sesións: unha para o público de educación infantil e outra para o alumnado de 2º, 3º e 4º de EP. A ilusión e a alegría reflectíronse en cada xesto e palabra, demostrando que a actividade non só foi educativa, senón tamén unha experiencia inesquecible e divertida para todos e todas.

O club de lectura de primeiro ciclo segue demostrando que a combinación de literatura, emocións e creatividade pode xerar impactos positivos no desenvolvemento integral do alumnado.

O 20 de abril o alumnado de 1º e 2º visitou a biblioteca do barrio de A Ponte para realizar unha sesion de animación á lectura e de formación de usuarios.

Por medio dun contacontos realizado cun kamishibai a responsable da biblioteca foinos presentando os diferentes recantos que pode ter unha biblioteca e os diversos tipos de fondos bibliográficos cos que nos podemos encontar nela.

Tivemos un tempo para a lectura individual onde cada un de nós disfrutou coas lecturas dos libros que máis lles gustaban. Para rematar, realizamos unha actividade de creación de historias na que por medio de diversas técnicas iamos improvisando pequenas historias que lles contamos ao resto dos compañeiros e compañeiras.

O alumnado de quinto descubre que os FORMIG4S investigan cal é a causa de que a obra de Rosalia este desaparecendo, para esclarecer este estraño suceso viaxarán no tempo ata o século XIX por Compostela e a súa contorna. Alí vivirán unha trepidante aventura para salvagardar o legado e a propia vida de Rosalía de Castro.

Ao rematar o libro decátanse de que todo era ficción. Rosalia de Castro nunca desaparecerá, esta máis de moda ca nunca... se o queres comprobar só tes que pinchar nas seguintes ligazóns:

• MALAXENTE (Versión do poema de Rosalía de Castro coa música de Rosalía)

• REXURDIMENTE de De Vacas (Canción sobre o movemento que liderou Rosalía)

• A estrela de ROSALIA DE CASTRO

O venres, 2 de decembro, no tempo da Hora de ler. o noso amigo Rafa contounos a historia de O coelliño branco, conto tradicional portugués que foi adaptado por Xosé Ballesteros, coa axuda de varios amigos e amigas de 1º e 2º de Ed. primaria.

Con el descubrimos o que é a coraxe, a valentía e a determinación e que o tamaño das persoas non fai que se sexa máis valente nin máis forte.

Durante a semana do 21 ao 25 de novembro o equipo de bibliotecas, dinamización lingüística e seccións bilingües organizaron un grupo de actividades para que todas as nenas e nenos do cole, desde infantil ata sexto de primaria, xunto co profesorado e resto da comunidade educativa, celebramos participando activamente nos actos realizados para conmemorar o Día Internacional contra a Violencia cara ás mulleres unha das peores e máis comúns formas de violencia.

En primeiro lugar, o luns, a Concellería de Igualdade, organizou unha actividade de contacontos para a sensibilización e concienciación en materia de igualdade e prevención da violencia de xénero: "O rato canguro" coa finalidade principal de romper os estereotipos de xénero desde a infancia.

O martes durante a Hora de Ler cantamos e bailamos a canción “Déjala que Baile” de Melendi con Alejandro Sanz e Arkano.

Todo o alumnado do cole participou na actividade "The orange umbrella” para reivindicar a importancia da protección contra a violencia.

Na metade da semana volvemos a gozar dun contacontos, neste caso, interpretado por alumnos do cole. Contáronnos o conto de “ Pepuka e o Monstro que se levou o seu sorriso”. Pepuka vivirá xunto ao Monstro a experiencia máis difícil da súa vida: a perda do seu sorriso. Pero contará coa inestimable axuda das súas mascotas, unha viaxe cara á liberdade, a recuperación da súa esencia persoal e a felicidade. Aborda a violencia de xénero para previla desde a infancia. É un conto para traballar a autoestima, os valores, a igualdade e o bo trato.

A continuación o alumnado decidiuse a cambiar a súa linguaxe, identifincando frases axeitadas e inaxeitadas coa actividade “Pon os cinco sentidos contra a Violencia”.

Toda a comunidade educativa leu un Manifesto no que nos comprometemos a traballar a diario para  a eliminación de todo tipo de violencia.

O xoves o alumnado de infantil participa na actividade “Coas túas mans podes”, onde plasmando as súas máns nun lazo queren sinalar a importancia da loita de todos a favor da non violencia.

Finalmente, o día 25, rematamos a semana coa lembranza da importancia da igualdade entre homes e mulleres, representado pola cor violeta e a non violencia contra das mulleres representado pola cor laranxa.

A seguir traballando!!!

0 21 de novembro e dentro das actividade organizadas para conmemorar o 25 de novembro, a  Concellería de Igualdade, ofertounos unha actividade de contacontos de sensibilización e concienciación en materia de igualdade e prevención da violencia de xénero: "O rato canguro" coa finalidade principal de romper os estereotipos de xénero desde a infancia.

Os obxectivos específicos desta proposta son, entre outros:

• Fomentar valores de igualdade entre nenas e nenos.
• Promover a educación non sexista.
• Romper cos roles ou estereotipos de xénero.
• Impulsar a corresponsabilidade nos coidados.

O rato Fuco visitou o noso cole acompañado dun bebé ao que tivo que coidar: Chámase Cochin, e é un fillo duns amigos seus que se chaman Lene Marta e Tomás, porcos protagonistas do Conto “Suave y Calentito”, de Bijou Le Ford. Lene Marta traballa fóra da casa e Tomás hoxe non pode atender o pequeno porque ten que ir ao veterinario. Así pois, o rato Fuco foi o escollido para facerse cargo de Cochín.

Durante a contada, deulle de comer, lavouno, cambioulle o cueiro, contoulle contos e mesmo lle cantou un arrolo para o adormecelo, demostrando que en Lonxe de todo os coidados son unha tarefa compartida por ratos e ratiñas.

O último día do mes de outubro voltamos a celebrar a Festa do Samaín no noso cole coa realización das seguintes actividades:

• Exposición de fondos da biblioteca para o Samaín.

• Representación de varias obras de teatro polo alumnado de 6º de Ed. Primaria: "Mortiña", "Brunilda" e "Violeta".

• Galería de imaxes do alumnado disfrazado.

• Xantar terrorífico preparado polo alumnado de 6º de Ed. Primaria.

• Desfile e bailes terroríficos na aula de psicomotricidade.

• Desfile polo Túnel do medo que se montou na biblioteca e nos corredores do cole.

• Exposición de cabazas.

 A celebración na prensa local

ENTREGA DE PREMIOS

Traballos premiados polo alumnado

 O 27 de abril o alumnado de Ed. Infantil visitou a biblioteca municipal do barrio da Ponte.