O curso chegou ao seu fin e para celebralo preparamos distintas actividades como bailes, danzas, representacións teatrais, cancións, músicas variadas, xogos... e para rematar xantamos todos xuntos no  cole.

Nun dos patios do colexio temos expostos os instrumentos musicais realizados polo alumnado de sexto de primaria.

O mércores, día 18 de xuño, o alumnado de 5º de Primaria realizou unha visita ao Museo Arqueolóxico de Vilalba. O desprazamento fíxose andando.

O xoves, día 12 de xuño, o alumnado dun grupo de 6º de primaria realizou unha excursión a Santiago na que visitaron as instalacións de TVG e o Parlamento de Galicia antes de xantar no parque de Bonaval. Pola tarde fixeron unha visita á Catedral e prazas que a rodean, ao Museo do Pobo Galego e ao MUPEGA (Museo Pedagóxico de Galicia).

O xoves, día 5, o alumnado de 1º ciclo visitou a queixería "Prestes" no polígono de Vilalba co fin de ver o proceso de elaboración do queixo de San Simón, característico da nosa zona e con denominación de orixe.

A continuación dirixíronse á praia fluvial da Madalena para tomar a parva e compartir uns momentos de xogo e convivencia. (fotos)

O alumnado de Ed. infantil realizou unha visita ao parque zoolóxico de Marcelle en Outeiro de Rei o martes, día 27 de maio. Nel realizaron as actividades previstas polos monitores do parque.

O xoves, día 22 de maio, o alumnado de 5º de Primaria viaxou á Coruña para visitar os Museos Científicos: Aquarium; Domus, onde participaron nun taller de disección dun ollo; e Casa das Ciencias onde asistiron a unha sesión de Planetario.

Remataron a visita no parque de Sta. Margarida.

Para celelebrar a semana das Letras Galegas realizamos distintas actividades: elaboración de marcapáxinas, pins, debuxos, caricaturas, recitado de poemas,...

O venres intercambiamos recitado de poemas e cancións e para rematar cantamos todos xuntos o Himno Galego.

O martes, 29 de abril, o alumnado de 2º ciclo fixo unha viaxe á Coruña para visitar o Museo Nacional de Ciencia y Tecnología (MUNCYT) onde ademais de ver as distintas sás participaron nun taller. 

Pola tarde subiron ao Monte de San Pedro onde só se puido acceder á Cúpula debido as condicións meteorolóxicas.

(Fotos)

O mércores, día 9 de abril, o alumnado de 1º ciclo saíu a coñecer un pouco máis a vila. Sairon andando acompañados por mestres e a policía local ata chegar ao Concello onde foron recibidos polo máximo representante da Policía Local. Este acompañounos ata a sá de plenos onde lle deu unha breve charla sobre aspectos de educación vial e, logo de facer un percorrido por distintas dependencias do Concello, viron o vehículo oficial da policía.

Despois de tomar un tentempé no parque e facer un descansiño, seguiron cara a Torre dos Andrade, onde visitaron algunhas das súas dependencias.

De volta para o colexio, viron a praza de Sta. María, a casa natal de Mato Vizoso e os restos da muralla da fortificación do Castelo.