BENVIDOS E BENVIDAS AO NOSO CENTRO
TABOLEIRO DE SECRETARÍA
ADMISIÓN ALUMNADO PARA O CURSO 2024-25 Prazo de presentación de solicitudes O prazo de presentación de solicitudes será do 1 ao 20 de marzo. Documentación necesaria: -Solicitude admisión (Modelo ED550B) debidamente cuberto e asinado. Pódese presentar a través da aplicación admisión alumnado, sede electrónica ou presencialmente no centro. -Fotocopias do libro de familia. -Fotocopia do DNI do pai e nai , ou titores legais e do alumno/a ( de telo). -Fotocopia da tarxeta sanitaria. -Informe médico. -Certificado de convivencia/empadroamento expedido polo Concello e que acredite o domicilio de todos os membros da unidade familiar. -Dúas fotografías tamaño carné. CALENDARIO PROCESO DE ADMISIÓN -Praso de solicitude: do 1 ao 20 de marzo -Publicación de listaxes provisionais de admitidos: 25 de abril -Publicación listaxes definitivas de admitidos : 15 de maio -Formalización de matricula: do 20 ao 30 de xuño NORMATIVA QUE REGULA O PROCESO Decreto 13/2022, do 3 de febreiro, polo que e regula a admisión de alumnado e a Orde do 21 de outubro de 2022.
VACANTES QUE OFERTA O CENTRO
XORNADA DE PORTAS ABERTAS Aquelas familias que o desexen poden visitar o noso centro o vindeiro 28 de febreiro ás 16:00 h.
RESERVA PRAZA CURSO 2024-2025 As familias que queiran que o seu fillo ou filla estude 1º de Educación Secundaria Obrigatoria no IES Santiago Basanta Silva, centro de adscrición do CEIP Manuel Mato Vizoso deberán entregar a solicitude de reserva de praza (anexo I) do 15 de xaneiro ao 5 de febreiro. Formas de presentación de solicitudes:
|
||||
|
VISITA AO PARLAMENTO DE GALICIA. 6º DE E. PRIMARIA
O alumnado de sexto de primaria visitou, o pasado martes, 12 de marzo, o Parlamento de Galicia, no que puideron coñecer de primeira man unha das nosas institucións.
Premede na imaxe para poder ver as fotos.
8M. DÍA INTERNACIONAL DA MULLER.
Hoxe conmemoramos o 8M, Día Interancional da Muller, para elo desde o centro fixemos este mural sobre as "Mulleres no Deporte". Cada clase investigou sobre a vida e logros de quince mulleres relevantes en diversas disciplinas deportivas.
Aquí abaixo podedes ver o resultado:
Obradoiros de igualdade
Enviado por arielo o Xov, 07/03/2024 - 20:05Durante este trimestre o noso alumnado de 6º de Educación Infantil e os nenos/as de 5º de Educación Primaria estiveron a realizar obradoiros sobre a igualdade de homes e mulleres, para esta tarefa contamos coa axuda imprescindible de Mara (axente de igualdade do Concello de Vilalba), coa que fixeron un mónton de actividades, velaquí unha mostra.
Ademais, para conmemorar o Día da Muller, que se celebrará este venres, os máis maiores fixeron un traballo de investigación entre as mulleres que eles consideran referentes na súa vida cotiá que se plasma neste pequeno libro, botadaslle unha ollada?
SAÍDA DE 6º DE E. PRIMARIA A FERROL
O pasado luns, día 4 de marzo, o alumnado de 6º de Educación Primaria, acompañado das súas mestras, desprazouse ata Ferrol, alí visitaron o CIS (Centro de Innovación e Servizos da Tecnoloxía e o Deseño) da Xunta de Galicia, no que participaron en diversos talleres de química e cosmética, así como de programación de placas electrónicas.
Premede na imaxe de abaixo para poder ver as fotos.
23 DE FEBREIRO, DÍA DE ROSALÍA.
Hoxe conmemoramos o día de Rosalía no centro, para elo todos os nenos e nenas, coa colaboración de Maruxa e Marta, recitaron o poema "Has de cantar", incluído no poemario Cantares Gallegos.
O Equipo de Dinamización da Lingua Galega, realizou unha montaxe de vídeo que incluíron no seu blogue, deixámosvos o enlace premendo na imaxe.
Por outra banda, temos que agardecer ao Iescha "Instituto de Estudos Chairegos", que nos cedeu o seu fermoso "photocall" para converternos en Rosalía por uns intres.
Pinchade no link para ver as imaxes da galería: http://www.edu.xunta.gal/centros/ceipmatovizoso/galeria/displayimage.php?album=308&pid=7686#top_display_media
Entroido no Mato Vizoso. 2024
Onte celebramos o Entroido no cole, e aínda que a choiva desluciu un pouco os actos e non deixou queimar o noso Meco, pasámolo en grande.
Animámosvos a ver este vídeo creado desde o equipo de Biblioteca, no que poderedes ver todos os disfraces inspirados no noso proxecto de centro, "Tiara Viaxa aos Xogos Olímpicos"; Gregos, chamas olímpicas, deportes de inverno e de verán, xuíces, espectadores e ata medallistas olímpicos, encheron onte o Mato Vizoso.
Pinchade na imaxe para ver máis;
DÍA DA PAZ, 2024
Hoxe, día 30 de xaneiro, celebramos no centro o Día da Paz, cunha actividade colaborativa cos outros centros da vila, para elo contamos coa cooperación das familias, que achegaron un anaco de tea branca na que penduramos as nosas "Pombas, símbolo da Paz".
Pinchade na imaxe de abaixo para poder ver máis.
Nadal no Mato Vizoso.
Hoxe celebramos o Nadal no centro. Fixemos moitas actividades, como intercambio de postais de Nadal, visita do Apalpador e unha sesión de títeres, da man da compañía "Mircromina".
Anímovos a que pinchedes na imaxe de abaixo para acceder ao blogue do Equipo de Dinamización da Lingua Galega e así poder ver o ben que o pasamos.
Felices Festas, vémonos á volta!