Curso 2015-16, Actividades extraescolares, Outras actividades
ACTIVIDADES FIN DE CURSO
Chega o fin de curso e para celebralo preparamos unhas actividades para gozar todos xuntos:
O día 21 visitounos o mago "Antonciño" e fíxonos uns cuantos trucos de maxia.
O día 22 fixemos xogos cooperativos que organizou o profesorado de Ed. Física, un tentempé especial e unha actuación do pallaso "Peter Punk"
SAÍDA Á CASA MUSEO MANUEL MARÍA
O alumnado de 1º e 2º de E. Primaria, o martes, día 7 de xuño, visitaron a Casa Museo de Manuel María e a carballeira de Sta. Isabel en Outeiro de Rei.
TEATRO NO MATO VIZOSO
O día 31 de maio, para rematar o mes das Letras Galegas, o alumnado de 6º de Primaria representou, ao resto do alumnado e persoal da comunidade educativa, a obra de Manuel María, "Aventuras e desventuras dunha espiña de toxo chamada Berenguela".
Pasaron uns poucos nervios pero fixérono moi ben.
Parabéns aos nenos, nenas e a profe M. Xosé Lamas, que foi a que fixo posible isto.
Podedes ver algunas imaxes picando aquí.
SAÍDA Á CASA MUSEO MANUEL MARÍA
O alumnado de 3º e 4º de E. Primaria fixo unha saída para visitar a Casa Museo de Manuel María en Outeiro de Rei, o día 30 de maio. Tamén aproveitaron para coñecer o proceso de elaboración de pezas de cerámica na olería de Bonxe.
EXCURSIÓN DE 5º PRIMARIA Á CORUÑA
O venres, día 27 de maio, o alumnado de 5º de primaria, realizou unha saída á cidade da Coruña para visitar a Casa das Ciencias, o Domus e o Aquarium. Logo merendaron no monte de San Pedro para regresar facendo parte do traxecto en tren.
ACTIVIDADES NO IES BASANTA SILVA
O alumnado deste centro está asistindo a distintas actividades (teatro, contacontos,cine,...) organizadas polo IES Basanta Silva, con motivo do seu cincuentenario.
ACTIVIDADES NO IES BASANTA SILVA
O alumnado deste centro está asistindo a distintas actividades (cine, teatro, títeres...) que se están levando a cabo no IES Basanta Silva, con motivo do seu cincuentenario.
PREMIADOS NA FESTA DE FILLOA
Resultaron premiados no concurso da "Festa da filloa" os seguintes alumnos e alumnas deste centro:
Natalia León Alcívar de 3ºB
Danny Yáñez Pena de 3ºB
Diego Montenegro Rivas de 4º A
Santiago Sampayo Pacín de 6ºA
Parabéns a estes pequenos artistas!
Terán que pasar a recoller o premio o domingo, día 1 de maio, no recinto feiral "Manuel Vila López" de Muimenta sobre as 13, 30.
VISITA Á QUEIXERÍA PRESTES
O venres, día 29, o alumnado de 1º e 2º de primaria visitou a "Queixería Prestes " de Vilalba, situada no polígono industrial, co fin de coñecer o proceso de elaboración do queixo de S. Simón e outros.
Ao rematar foron tomar o tentempé á praia da Madalena e xogaron un ratiño para logo voltar ao colexio.
VISITA AO MUSEO DE VILALBA -MUPAV
O día 27 de abril, o alumnado de 4º de Educación Primaria, fixo unha visita ao Museo de Prehistoira e Arqueoloxía de Vilalba para coñecer máis de preto a vida dos nosos antepasados.
Realizaron un taller de cerámica ademais de visitar as dependencias de forma guiada.
- 1
- 2
- 3
- seguinte ›
- última »