PERSOAL DO COMEDOR
Director
|
Iván López Arias
|
Coordina ao persoal de comedor .
Elabora os menús xunto coa encargada, que logo serán aprobados no Consello Escolar
|
Encargada
|
Mª Antonia Picón González
|
Organiza quendas de vixiancia e servizo de alimentos.
|
Colaboradores
|
11 persoas (nais, conserxe,coidadora)
|
Coidan hábitos e comportamento no comedor.
Atenden ao alumnado no tempo de lecer.
|
Cociñeiras e
Axudantes
|
1 oficial de 2ª
2 axudantes de cociña
|
Realizan o menú e labores de limpeza e hixiene da cociña.
|
De conformidade co establecido no Decreto 132/2013, do 1 de agosto, o centro dispón do regulamento de funcionamento do comedor escolar seguinte:
Establécense dúas quendas de funcionamento. A primeira para alumnado do colexio ás 13:25 horas e a segunda para o alumnado do IES “Pedregal de Irimia” ás 15:00 horas.
A 1ª quenda está atendida por un total de sete nais de alumnado e a conserxe do colexio. Fan a entrada no comedor ás 12:30 horas. En 50 minutos comen e encárganse de montar as mesas do alumnado e distribuir o pan e o leite nos lugares correspondentes a cada fila de comensais. Ás 13:20 saen buscar ao alumnado ás súas respectivas clases e acompáñanos ata o comedor. Unha vez sentados, sírvenlles o primeiro prato. Rematado este, sírvenlles o segundo e, posteriormente, a sobremesa. Finalmente, recollen as mesas e, ao finalizar, acompañan ao alumnado ata os lugares habituais de lecer, facendo labores de vixiancias e organización de xogos ata a entrada as aulas (14:55 horas).
A 2ª quenda está atendida por un profesor/a do IES, un conserxe e unha nai de alumno. O proceder é, basicamente, o mesmo ca na primeira quenda, só que estes comen ás 14:30, aproximadamente, é dicir, antes da entrada do alumnado.
En calquera das dúas quendas, o persoal colaborador é o encargado de manter a orde e as boas formas na mesa e o respeto aos compañeiros e compañeiras. En todo caso, a encargada de comedor e o director do colexio tamén están vixiantes para que se cumplan as normas e todo se desenvolva con normalidade e boas formas.