Novas Deporte Escolar

As mazás.

Tarta de Mazá e Compota.

O alumnado de 5 anos leva dende o mes de outubro traballando nun proxecto educativo sobre as mazás. Hoxe, mércores día 22 de marzo de 2023, por fin fomos ao restaurante da nosa escola para cociñar e degustar as nosas receitas con mazás.

Aquí vos deixamos as receitas e instrucións destes grandes cociñeiros.

Que rico! Gran traballo, rapaces!

Mercado " Cintas de Cores" do 2

Durante a semana do 20 marzo de 2022, activouse o mercado ecolóxico Cintas de Cores do 2, coa axuda das familias colaboradoras con Voz Natura na escola. Elas foron as encargadas de preparar o posto do mercado, preparar os produtos ecolóxicos para a venda que procedían da horta da escola ou do excedente dalgunhas familias que colaboraron.

Moitísimas grazas a todas as familias involucradas. Un traballo extraordinario!

Visita ao Porto da Guarda

Ti es un bo peixe.

Alumnado de 2º de Educación Primaria.

O pasado xoves día 16 de marzo, o alumnado de 2º visitou o Porto da Guarda, dentro do Programa do Plan Proxecta: " Ti es un bo peixe". 

O alumnado tivo oportunidade de visitar o porto pesqueiro, a onde chega o peixe que capturan os barcos. Despois as peixeiras, na Praza Municipal, explicáronlle os tipos de peixe e os seus prezos. Ao rematar no mercado, as redeiras ensináronlles como se fan as redes que os mariñeiros usan no mar.

Finalmente, para merendar tiveron un menú-degustación con produtos do mar.

Unha xornada estupenda onde aprendemos moitas cousas do mar.

IX Trofeo Baile Deportivo

Eurocidade Tui-Valença

26 de Marzo 2023

O sábado día 26 de marzo, está previsto o IX Trofeo de Baile Deportivo, na Eurocidade Tui-Valença. Un evento deportivo, que poderemos ver no Pavillón Gustavo de Tui. Animamos a todo o alumnado e familias, a gozar de esta oportunidade, que nos ofrece o deporte tudense.

TORNEO ESCOLAR DE BÁDMINTON POR PARELLAS.

CLUB BÁDMINTON TUI.

O vindeiro sábado, 18 de marzo de 2023, terá lugar o Torneo Escolar Tui de bádminton, na modalidade de dobres nas categorías Benxamín, Alevín, Infantil e Cadete. Todo o alumnado que se anime a participar, deberá dirixirse ao Club Bádminton Tui.

Día Internacional da Muller

8-marzo-23

C.E.I.P Nº2 de Tui.

Hoxe día 8 de marzo de 2023, celébrase o " Día Internacional da Muller" baixo o lema " Por un mundo dixital inclusivo: Innovación e tecnoloxía para a igualdade de xénero". Dende o equipo de deporte no 2, sumámonos para poñer en valor, esta iniciativa que no noso centro impulsou o Departamento de Orientación e a biblioteca. 

Un manifesto en defensa da muller, da igualdade na vida e no deporte, escrito polo alumnado de 6ºA ao que lle puxeron voz: Alicia, Alexia, Anxo e Sabela. Unha cantiga " Chea de Vida" de Gaudí Galego que cantada polo noso alumnado nos fixo vibrar neste acto.

O alumnado de 5º de Educación Infantil aproveitou estes días, para traballar mulleres importantes nas súas vidas e facer un xornal, coincidindo coa Semana da Prensa.

O alumnado de 6º de Educación Infantil aproveitou para traballar , para traballar mulleres de Tui e facer un xornal, coincidindo coa Semana da Prensa.

Grazas a todos por momentos tan importantes para a vida coma estes. 

O alumnado de 5º planta

chícharos, tirabeques, leitugas,
 
cabaciños e cánones.

O alumnado de 5º de Educación Primaria, realizou o martes 7 de marzo de 2023, plantado de sementes: chícharos, tirabeques, leitugas, cabaciños e cánones. Fixéronno nos recipientes de refugallo que xa usaran os compañeiros de 4º e que xa sacaron as súas plantas á horta. Así estamos dándolle un novo uso a envases que soamente estaban previstos para un só uso.

Plantación do alumnado de 5ºA.

Plantación do alumnado de 5ºB.

Agora serán os encargados de darlle os coidados necesarios, para que as plantas medren e poidan sacalas á horta.

PLANTACIÓN DOS TERCEIROS

Curso 22-23

Hai unhas semanas os terceiros fixeron sementeiros de chícharos, cenorias, perexil, espinacas e canónigos.

Xa era hora de pasalos para a horta. Divertíronse moito preparando a terra e facendo os buratos para os chícharos. Agora tócalle coidalos para obter unha boa colleita. 

Humberto vs Mauro

Fútbol 

Salceda de Caselas

05-03-23

O pasado, sábado día 4 de marzo de 2023, na categoría de fútbol alevín, tiveron partido o equipo Escolas Denis Suárez de Salceda co Celta de Vigo, no Campo de Fútbol Penedo Redondo en Salceda. No equipo da casa xoga Mauro e no equipo visitante xoga Humberto. Ambos alumnos de 5ºB do colexio e amigos de toda a vida, que hoxe se convertiron en rivais no terreo de xogo.

A nosa periodista desplazada no terreo de xogo: a profe Lucía de Infantil, deunos conta con  todo o detalle do partido. Foi unha mañá soleada e de moita deportividade. Noraboa aos dous!!.

Moitísimas grazas por noticias tan importantes coma esta, onde o deporte, o bo xogo e o respeto sexan o máis destacado da xornada. 

2ºA Planta Fabas e Amorodos.

O pasado venres, día 3 de marzo de 2023, o alumnado de 2ºA de Educación Primaria, sacou para a horta as fabas que xa creceran no interior da escola. Tamén aproveitaron para poñer unhas plantas de amorodos. Aquí vos damos conta do ben que o fixeron.

A Milla Escolar.

Actividade Física no entorno natural da escola.

Venres 3 de marzo de 2023.O pasado venres, 3 de marzo de 2023, inauguramos no entorno natural da nosa escola, "A Milla Escolar".

 Un percorrido que percorremos por clase e que trataremos de facer a diario, sempre que o tempo nolo permita. Trataremos de percorrer moitas millas para ter unha vida saudable. Nesta primeira xornada cada nivel fixo as súas delicias, incluidos os profes. Noraboa pola vosa participación.

INFANTIL PLANTA ACELGAS E ESPINACAS

Curso 22-23

Os nenos e nenas de 5 anos plantaron espinacas e acelgas en envases de iogures, o pasado xoves 2 de marzo de 2023 .

Seguimos reciclando e reutilizando, temos que coidar o planeta entre todos e darlle unha segunda oportunidade aos obxectos.

Agora toca esperar a que crezan para facer deliciosas receitas con elas.

DEPORTE ESCOLAR.

Bádminton Curso 22-23

O pasado mércores 1 de marzo,  tivo lugar a Xornada Final  da competición escolar de Badminton, das  categorías Benxamín (3º e 4º), alevín ( 5º e 6º) e Infantil (Repetidores de 6º), no Pavillón Municipal de Tomiño. 

Unha xornada estupenda onde a deportividade entre os participantes asistentes foi a tónica a destacar.

Aquí vos damos conta do contentos que viu o noso alumnado coas súas medallas, despois dunha tarde intensa de bádminton.

O alumnado de 4º pasa á

horta as súas plantas.

O alumnado de 4ºB e 4ºA sairon á horta o venres 24 de febreiro a poñer as súas plantas de fabas, xirasois, chícharos e tirabeques que medran no interior. Xa están o suficiente grandes para que medren na horta e recoller boa colleita.

O C.E.I.P. Nº2  de Tui

no Gran Camiño Ciclista

24 de febreiro de 2023.

O alumnado do  C.E.I.P Nº2 de Tui tivo a oportunidade, hoxe venres 24 de febreiro de 2023, de presenciar a saída da segunda etapa do Gran Camiño 2023 dende Tui.

O alumnado de 5º e 6º visitou as rúas, onde estaban situados os distintos equipos deportivos, cos seus vehículos de apoio á proba.

Posteriormente tiveron oportunidade de ver aos diferentes equipos e fotografiarse cos corredores de Burgos BH, o histórico Alvaro Pino, natural de Ponteareas e gañador da volta ciclista a España no ano 1986 e con Atila Valter corredor do Jumbo Visma e gañador da Volta a Hungría 2020.

Finalmente animaron a todos os corredores na saída da etapa.

O resto de alumnado saíu á rúa Concordia para animar a todos os corredores e desexarlles boa etapa.