Blogues

E quedábanos por realizar este curso o obradoiro “Fai clic ao teu bocata”  un programa creado pola Consellería do Mar co dobre obxectivo de facilitar o coñecemento e consumo de produtos en conserva do mar entre as nenas e nenos da nosa comunidade e de incidir en equilibrar as súas dietas alimentarias(pulsa na imaxe para saber máis), na que participou todo o alumnado do centro, dende 4º de Educación Infantil ata 6º de Educación Primaria.

A través de divertidas personaxes Mar e Roi explican ao alumnado os beneficios para a nosa saúde do consumo de alimentos do mar conservados en latas ou botes. Fixeron diferentes xogos para diferenciar os alimentos saudables de outros que non o son e para ver a importancia de non botar lixo ao mar.

Por outro lado, Roi ía preparando os bocadillos con conservas do mar e outros alimentos saudables, que o alumnado puido degustar unha vez rematado o obradoiro.

Ademais, deixáronnos un agasallo, un envase para gardar os bocadillos e que se conserven fresquiños ata a hora da merenda.

Entrega de premios aos gañadores/as do concurso de Micropoemas e Microrrelatos 2022, organizado polos equipos de dinamización lingüística dos centros educativos da Estrada. A madriña literaria desta edición foi a Escritora Rosalía Morlán. O acto estivo amenizado polo grupo "Favorita". 

Nas últimas semanas os nenos/as de 6º de infantil e 1º e 2º de primaria tiveron unha visita moi especial, pasou polo colexio o axudante do Ratiño Pérez para darnos algúns consellos de como coidar os nosos dentes, da importancia de lavalos despois de cada comida e de non tomar alimentos que poidan facerlle dano. Ademais, deixounos un agasallo, un caderno con esta mesma información e con debuxos para colorear.

E por fin este curso poidemos volver a realizar os obradoiros do programa ALIMÉNTATE BEN case con normalidade! A semana pasada realizamos a actividade “Ti si que es un bo peixe”, xestionada pola Consellería do Mar, co fin de facilitar o coñecemento e consumo de produtos frescos do noso mar ao alumnado (pulsa na imaxe para saber máis), na que participou todo o alumnado do centro, dende 4º de Educación Infantil ata 6º de Educación Primaria.

Uxía e Roque ensináronnos 9 exemplares de peixes, coñecendo o seu nome, características, formas de pescalos, etc. E tamén os seus beneficios na nosa saúde, insistindo na necesidade de consumilos.

Para rematar de forma divertida, cantamos e bailamos unha canción repasando todo o aprendido.

Ademais, deixáronnos un agasallo, unha bandana co logotipo da actividade para protexernos do sol, ou facer de cociñeiros!

Nas vosas casas podedes consultar os tripticos informativos que tamén nos deixaron.