Un sábado máis asistimos ao programa "OS RECUNCHOS DA LINGUA", con Isa Durán e Pilar Bernárdez. Eider, Bruno e Celia compartirón cos ointes a biografía de Luísa Villalta.
O alumnado de 5º e 6º de primaria participou nunhas charlas impartidas polo profesor e escritor Carlos Loureiro, sobre a emigración galega en especial a estradense a Cuba.Foi moi interesante.
Na área de Educación Física levamos a cabo un traballo a través da esgrima, no que despois de coñecer as técnicas principais e levar a cabo combates, o noso produto final foron as seguintes montaxes (loitas escénicas).
Coñecer o planeta no que vivimos sempre resulta interesante para o alumnado. Este curso despois de estudar as capas da Terra, o alumnado de 5º de Ed. Primaria, fixo unha maqueta para afianzar os seus coñecementos. Aquí vos deixamos unha mostra do traballo feito.
Cada ano conmemórase,o 8 de marzo, o DÍA INTERNACIONAL DA MULLER recoñecido pola ONU como unha xornada para reivindicar a igualdade e de facer balance sobre a situación das mulleres na sociedade.
Os nenos e nenas de 5º de Ed. Primaria estiveron investigando sobre esta efeméride. Fixeron uns traballos empregando medios audiovisuais e cartolinas nos que se recollen as súas pescudas. Para finalizar esta tarefa, aprenderon de forma autónoma a empregar a máquina de chapas deixando un manual de usuario na aula de Polos Creativos e crearon unhas chapas personalizadas con mensaxes do 8M.
Coas súas chapas queren dar visibilidade á loita continuada do feminismo a favor dos dereitos da muller.
A igualdade non é un agasallo, é un dereito. ABRAZA A IGUALDADE!
Competencias: CCL, STEM; CD, CPSAA, CE, CCEC, CC
Mateiras: Lingua castelá, linuga galega, matemáticas, ciencias sociais, Ed. Plástica e audiovisual.
O alumnado de 5º de Ed. Primaria estivo estudando a importancia de manter unha dieta saudable. Despois de facer un estudo da roda de alimentos e das cantidades recomendables de cada grupo que se deben comer diariamente. Chegaron á conclusión de que é moi importante que o noso plato teña MOITA COR! isto quererá dicir que ten moitas verduras, hortalizas e froitas.
Elaboraron individualmente, seguindo as indicacións da pirámide de alimentos, un menú saudable.
Tamén coñeceron e empregaron a App Yuka analizando a calidade das súas merendas; facéndose máis conscientes de se son saudables ou non. O Yuka ofrécelles alternativas a produtos similares pero de maior calidade. Estes foron algún dos resultados da análise.
Para finalizar, comeron palomitas de millo seguindo as intrucións de uso dunha máquina de facer palomitas de millo natural. Leron, fixeron un texto instrutivo e levando a cabo cada pasodas intrucións; degustaron palomitas, recién feitas, de millo “ de verdade”. Todo un descubrimento!
Competencias: CCL, STEM, CPSAA, CE
Materias: Lingua castelá, lingua galega, matemáticas, ciencias naturais.
O KAMISHIBAI é unha maneira moi popular xaponesa de contar historias empregando ilustracións, textos e a voz dun narrador ou narradora.
O alumnado, de Proxecto Competencial, de 5º de Ed. Primaria adicouse durante un tempo deste curso a crear e recrear historias para despois contalas neste formato. Botáronlle imaxinación para crear as historias e ilustralas. Logo plastificaron no formato axeitado, a continuación ensaiaron e finalmente actuaron para o público máis selecto: Ed. Infantil, 1º e 2º de Ed. Primaria.
Competencias: CCL, CPSAA, CE, CCEC
Materias: Lingua galega, matemáticas, ciencias sociais, ciencias naturais, Ed. plástica e visual.
Coñecer o entroido tradicional de Viladervós ( Ourense)
Elaborar un traxe de Chocalleiro
Competencias: CCL, CD, CPSAA, CC, CE, CCEC
Materias: Lingua galega e literatura, Educación plástica e visual e ciencias sociais.
Tarefa:
O noso centro participa nun programa relacionado co entroido tradicional dos diferentes lugares de Galicia. Este curso o entroido escollido son os Chocalleiros de Vilardevós en Ourense.
O alumando de 6º curso disfrazámonos de Chocalleiros e fomos o 2 de febreiro ata Lamas de Abade (Santiago de Compostela), onde se celebra a mostra de entroido tradicional.
A primeira parte foi a investigación do traxe e da zona onde é tradicional.
A segunda parte é a elaboración do traxe. Para iso o alumnado tivo que traer unha tela que sería a base da capa. As cintas de cores neste casoas fixemos de bolsas de lixo recortadas. O alumnado en grupos de traballo, preparaba, recortaba e clasificaba as tiras. Despois eses mesmos grupos dedicouse a pegar esas tiras na capa.
Por outra banda elaboráronse as “botas” e os gorros de Chocalleiros engadíndolles a mascota do centro “Viondiño”.
Celebramos o día de Rosalía en colaboración co Concello e os outros centros de primaria no Teatro Principal. Alumnos/as leron poemas de Rosalía . Do noso centro Valentina leu o poema "Tecín soia a miña tea" e Mauro leu "Meses do inverno frío".
Tamén se estreou o video O PELOURO QUE RODA, onde a Banda da Loba puxo música a este poema. Alumnado dos centros de primaria participou no video, que foi realizado por Lucas Terceiro e Paula Cereixo.
