Venres 11 de Decembro.

Publicada a Resolución Definitiva, comunicamos dende a Secretaría do centro: 

1) O alumnado de Primaria beneficiario recibirá 5 máscaras reutilizables para os 125 días lectivos restantes. 

As máscaras veñen en sobres individuais nos que xa figura a certificación e instruccións de lavado.

2) As máscaras serán recollidas por un dos proxenitores idéntificándose con DNI/NIE para asinar a súa retirada.

De non poder asistir, pódese autorizar a outra persoa. Deixamos un modelo de autorización.

Ver autorización

3) O reparto será do seguinte modo, organizado por cursos. Non é preciso pedir cita previa pero si respetar ao máximo as franxas horarias así como as medidas de seguridade. 

De non poder asistir, buscaremos outras datas unha vez rematado o reparto que adxuntamos a continuación:

Ver reparto

Luns 30 de novembro de 2020.

Rematado o prazo de presentación de novas solicitudes para a axuda de máscaras, publícase a Resolución Provisional de Admitidos e excluídos.

Consulta ata o martes día 1 de decembro na secretaría do centro en horario de 09:30 a 12:00.

Lembramos que as familias que obtiveron o vale de material escolar, xa teñen concedida a axuda.

Publicaremos o dia 2 de decembro nesta web a organización da entrega de máscaras no centro.

Actualizamos o calendario escolar do curso 2020-21 co día non lectivo solicitado polo centro, que será o luns 3 de maio.

Abrir Calendario

Venres 13 de novembro de 2020 

Participación no procedemento de distribución de máscaras.

ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21.

Enlace ao DOG

DESTINATARIOS/AS: Alumnado matriculado en educación primaria, educación secundaria obrigatoria e educación especial:

a) Non ten que presentar solicitude:

O alumnado de primaria beneficiario da axuda de material escolar no curso 2020-2021. A concesión das máscaras é automática. Informaremos da xestión da entrega das mesmas na web.

b) Ten que presentar solicitude:

O alumnado de primaria que non foi benefciario da axuda de material escolar no curso 2020-2021 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6.000 €. (Datos da renda e familiares do ano 2018)

• Alumnado matriculado en educación especial.

• Alumnado suxeito a tutela ou garda da Xunta de Galicia.

• Alumnado cun grao de discapacidade igual ou superior ao 65%.

1) Descargar o formulario

2) Documentación a entregar

3) Prazo e forma de presentación

• A solicitude será única para os fillos/-as matriculados en educación primaria. 

• Presentación no centro (non hai outras opcións posibles)

• Informaremos na web da publicación da resolución provisional, a consulta terá que ser presencial. Non nos permiten poñela na web nin en outros espazos dixitais.

Estimadas familias:

Ante a noticia nos medios de comunicación da confirmación dun caso positivo en COVID-19 no noso centro, informamos:

O alumnado do grupo considerado contacto directo co positivo xa foi contactado pola Consellería de Sanidade, que lle informou dos pasos a seguir e o citou para a realización da PCR correspondente.

O mesmo aconteceu co profesorado que estivo en contacto con ese grupo.

Estamos atentos á evolución e continuamos cumplindo coas normas establecidas no protocolo publicado pola Consellería de Educación. Grazas pola súa permanente colaboración.

A continuación publícase unha circular sobre o desenvolvemento do 3º Trimestre.

CIRCULAR DESENVOLVEMENTO DO 3º TRIMESTRE (GAL)

CIRCULAR DSENVOLVEMENTO DO 3º TRIMESTRE (CAS)

En cumprimento das instrucións dadas pola Consellería de Educación o día 27 de marzo a tódolos centros educativos da comunidade, comunicamos que o VENRES día 3 de abril, ás 12:00 horas, publicaranse os boletíns de notas do 2º trimestre na aplicación ABALARMÓBIL. Lembrade que para poder descargar a aplicación é necesario que coincida o número de teléfono que figura no XADE co número en uso do dispositico onde se desexe aloxar a aplicación. Adxúntase o arquivo co manual de instalación e outro co manual de uso.

No caso de que non esteades seguros de que o número de teléfono do XADE sexa o que tedes actualmente en uso, poñédevos en contacto co titor/a correspondente. Grazas.

GUÍA ABALAR MÓVIL PARA FAMILIAS

 DÍPTICO ABALAR MÓVIL FAMILAIS