SAMAÍN 2021
Enviado por lauracabarcos o Lun, 15/11/2021 - 17:51
O equipo de Biblioteca, neste ano 2021, novamente propuxo unha maneira diferente de celebrar o Samaín.
Así e durante a última semana de outubro, nunhas curiosas cabazas colgadas das portas das clases apareceron cada día propostas para que os grupos elaborasen as súas propias adiviñas, trabalinguas e chistes de medo coa idea de que Nicoleo xunte as curiosas creacións e así poder compartilas proximamente na Biblioteca que tanto ansiamos estrear.
Ademais, o xoves 28 de outubro decoramos as cabazas e o día 30 acudimos profes e nenos disfrazados a visitar a exposición feita no patio cuberto coas horripilantes creacións dos compañeiros e compañeiras.
Neste terrorífico vídeo vos deixo algunha foto da elaboración e exposición das cabazas e dos sorprendentes disfraces.
Feliz Samaín a todos e todas!!!
