Agra de San Marcos s/n. 15318 Abegondo - A Coruña. Teléfono: 881 880 201. Fax: 881 880 207. Correo electrónico: ceip.san.marcos@edu.xunta.es
Ed. Primaria
Día da PAZ 2016
O 29 de Xaneiro celebramos o día da paz.
Este ano o noso lema era "amiguiños todos" , así que fixemos bonecos de papel representando a poboadores de todos os rincóns do planeta.
Agora están pegados no noso mural e polos corredores , portas e ventás, todos xuntos, dándose a man os uns aos outros. Sen importar a cor, o país, a relixión... AMIGUIÑOS TODOS.
Tamén fixemos unhas árbores decoradas con flores de cores e pombas brancas coas que quixemos transmitir e expresar os nosos desexos de paz para o mundo.
NADAL 2015
E chegado o 18 de Decembro toca celebrar o Nadal
Este ano contamos cunha colaboración moi , pero que moi especial, nada máis e nada menos que Rosa Cedrón que acompañou a Educación Infantil cantando unha fermosa panxolina. Grazas de novo
Os demais tamén aportamos o noso graíño de area. Houbo panxoliñas, houbo bailes, houbo teatro mudo e teatro convencional... Foi moi divertido á vez que entrañable.
E como non podía ser doutro xeito tamén contamos coa visita do carteiro real que coa súa infinita paciencia escoitou os desexos dos nosos pequenos e pequenas.
|
Samaín // Halloween 2015
Cada ano temos máis nivel na decoración de cabazas. Menos mal que non facemos concurso, sería imposible decidir cal podería ser a gañadora !! No San Marcos gañamos todos, non hai outra..
Este ano, de novo, Samaín e Halloween no colexio. Que medo!!!
Xa sabedes que, como sempre, tedes máis fotos na Galería
MAGOSTO . Setembro 2015
Aló polo mes de Setembro , como todos os anos, e por xentileza do Sr. Claudino, que nunca se esquece de nós, fomos ao Souto a coller castañas.
Foi unha mañá moi agradable. Quentaba o soliño e non vos facedes unha idea da cantidade de castañas que alí había, e qué boas eran!!!
Tamén tivemos unha xornada especial para comelas, por suposto, polo que debemos dar as grazas ao noso querido Luis que sempre ten tan boa man no asado e pola tardiña, xogos especiais, para facer a homenaxe completa a este froito que tanto nos gusta
Pago comedor
Estimadas familias.
Ante a imposibilidade de facervos chegar os impresos de pago de comedor aconsellámosvos que fagades o pago telemático, a través de Abalar, para o que estades todos habilitados.
Se por calquera cuestión non podedes facelo así mandade un correo ao centro e mandarémosvos á volta de correo un PDF para que poidades acudir ao voso banco habitual.
Moitas grazas.
AVISOS VARIOS PARA ESTA SEMANA
BOS DÍAS A TODAS E A TODOS!!!!
Estamos na recta final, extrano fin de curso...
Achegamos algunhas tarefas para esta semana.
Aproveitamos tamén para avisar que o venres día 19 o alumnado de 6º ten que devolver os ordenadores. Lembrade que tedes que traer o ordenador, cargador e funda.
O alumnado de 6º A virá de 10.00 a 12.00 horas.
O alumnado de 6º B virá de 12.00 a 14.00 horas.
Temos tamén un aviso importante por parte da ANPA relacionado co banco de libros.
Vai en documento adxunto.
Bicos e apertaa para todos e todas.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »