CEIP Plurilingüe Santa Eulalia de Dumbría

Estimadas familias: 

Desde a ANPA "15 de Maio" propoñen desenvolver actividades nos recreos do comedor para un maior entretemento do alumnado debido a que hai moitos días que por mor de diferentes circunstancias meteorolóxicas non poden saír ao patio.

Para iso sería preciso saber o seguinte:

• Persoas interesadas de xeito voluntario e altruísta en participar (Horario recreo comedor: 14.00-14.50 horas aproximadamente). Deberán de traer certificado de non ter sido condenado en sentencia firme por delitos sexuais.
• Tipo de actividade que se realizaría.

As persoas interesadas poderán comunicalo a través do correo electrónico do centro: ceip.santaeulalia.dumbria@edu.xunta.gal

Publicaranse as actividades ofertadas e o prazo para que se poida anotar o alumnado interesado. Tamén se poderá inscribir o alumnado que non faga uso do servizo de comedor no día da actividade.

Atentamente,

O EQUIPO DIRECTIVO

Para ver o vídeo do Samaín pinchar aquí

Para ver o vídeo do Magosto pinchar aquí

Para ver o menú de novembro pinchar aquí

Estimadas familias:

Comunicámoslles que a Xefatura Territorial de A Coruña autorizou como día non lectivo o 13 de outubro, polo que non haberá clase. Recordámoslles que o 12 de outubro é festivo nacional.

Atentamente, 

O EQUIPO DIRECTIVO

O 30 de setembro, nas instalacións do Conco (Dumbría), entregáronse os premios do III Certame Literario "Territorio Vákner" correspondentes ao ano 2023.

A nosa ex-alumna, Mireia Traba Ronquete, recibiu o primeiro premio na categoría de primaria.

A nosa ex-docente e titora da alumna anteriomente mencionada no curso 2022-2023, María de la Soledad Piñeiro Martínez, recibiu o primerio premio na categoría de primaria correspondente aos centros escolares.

Estimadas familias:

Recordámoslles que nos meses de outubro a maio o horario do centro será de 10.00 a 13.20 horas polas mañás, co servizo de comedor máis o seu recreo de 13.20 a 14.50 horas, e polas tardes, de 14.50 a 16.30 horas.

Atentamente,

O EQUIPO DIRECTIVO

Para ver o menú de outubro pinchar aquí

Para ver o menú de setembro pinchar aquí

Estimadas familias:

Comunícaselles que o día 08 de setembro será festivo local no concello de Dumbría polo que o centro educativo permanecerá pechado.

Tal como se publicou anteriormente, as clases comezarán o día 11 de setembro no horario de 09.30 a 14.30 horas (Comedor: 14.30 - 15.15 horas).

Recórdaselles tamén que aquelas familias que aínda non entregaran o modelo de autodeclaración para ser usuario de comedor teñen que traelo canto antes. Este modelo poden descargalo a través da páxina web do centro.

Por último, debido ao pouco número de colaboradores apuntados para o comedor, esténdese o prazo para anotarse ata o 22 de decembro. A documentación que será preciso entregar está "colgada" na páxina web do centro.

Atentamente,

O EQUIPO DIRECTIVO