Estimadas familias:

Pola presente comunícase que todo o alumnado solicitante de admisión en 4º nivel de Educación Infantil para o curso 2024/2025 está admitido con carácter definitivo.

Pode consultarse a listaxe definitva na secretaría do centro en horario de atención ao público.

Atentamente, 

O EQUIPO DIRECTIVO

O prazo de presentación de solicitudes de admisión para o curso 2024/2025 será do 01 ao 20 de marzo, ambos inclusive.

O horario de atención ao público será de luns a venres, de 10.00 a 10.50 horas, e os mércores de 15.40 a 16.30 horas.

Realizarase unha xornada de portas abertas o 01 de marzo, de 10.00 a 11.40 horas.

Poden descargar os formularios de admisión nos seguintes enlaces:

Solicitude admisión (galego)

Solicitude admisión (castelán)

Ademais, as familias interesadas deberán de aportar a seguinte documentación: copia do libro de familia, certificado de empadronamento, fotocopia DNI proxenitores, fotocopia cartilla sanitaria e de vacinación, 4 fotos tamaño carnet e certificado médico no caso de intolerancias alimentarias, alerxias...

Estimadas familias:

O próximo 21 de decembro publicaranse as notas en abalarMóbil correspondentes ao 1º trimestre do presente curso.

Atentamente,

O EQUIPO DIRECTIVO

Onte, 28 de novembro, dou comezo o obradoiro de teatro proposto polo Concello de Dumbría como actividade complementaria no noso centro para o curso de 3/4 de Educación Primaria.

Estimadas familias:

Este curso o centro realizará un proxecto chamado “Dumbría 2024” que consistirá en recrear uns Xogos Olímpicos e Paralímpicos.

Nestas semanas xa fixemos unha actividade que consistía en recrear a bandeira olímpica cos cinco aros. Cada aula foi a encargada de un aro.

A seguinte actividade consistirá en que o alumnado do centro coa colaboración da súa familia elabore o logo dos nosos Xogos Olímpicos e Paralímpicos de Dumbría 2024. O pasado venres, o alumnado de Proxecto Competencial de 5º e 6º fixo unha presentación dos requisitos que debe ter o noso logo e describiu algúns exemplos para orientar a todos os seus compañeiros e compañeiras.

A data límite para que o alumnado presente a súa proposta do logo de Dumbría 2024 é o venres, 1 de decembro.

Onte, 20 de novembro, tivo lugar no noso centro para todo o alumnado o espectáculo "Novos Lobos" organizado pola ANPA "15 de maio" e a Federación Provincial de ANPAS da Coruña.

Estimadas familias:

O vindeiro luns, 20 de novembro, todo o alumnado do centro asistirá a un espectáculo de monicreques en prol da igualdade de xénero titulado "Novos lobos" organizado a través da ANPA "15 de maio" e a Federación Provincial de ANPAS da Coruña.

O evento terá lugar nas instalacións do centro.

Estimadas familias:

Comunicámoslles que a Xefatura Territorial de A Coruña autorizou como día non lectivo o 13 de outubro, polo que non haberá clase. Recordámoslles que o 12 de outubro é festivo nacional.

Atentamente, 

O EQUIPO DIRECTIVO

O 30 de setembro, nas instalacións do Conco (Dumbría), entregáronse os premios do III Certame Literario "Territorio Vákner" correspondentes ao ano 2023.

A nosa ex-alumna, Mireia Traba Ronquete, recibiu o primeiro premio na categoría de primaria.

A nosa ex-docente e titora da alumna anteriomente mencionada no curso 2022-2023, María de la Soledad Piñeiro Martínez, recibiu o primerio premio na categoría de primaria correspondente aos centros escolares.

Estimadas familias:

Recordámoslles que nos meses de outubro a maio o horario do centro será de 10.00 a 13.20 horas polas mañás, co servizo de comedor máis o seu recreo de 13.20 a 14.50 horas, e polas tardes, de 14.50 a 16.30 horas.

Atentamente,

O EQUIPO DIRECTIVO