Complementarias e extraescolares
O noso centro participa no programa educativo Observa Acción, organizado polos Centros de Formación e Recursos da Consellería de Educación.
Consiste na colaboración entre dous centros educativos da comunidade que teñen que intercambiar visitas e experiencias. No noso caso, as nosas compañeiras de viaxe foron as mestras do Ceip Concepción Arenal da Coruña.
Tras visitar o seu centro e compartir unha xornada de traballo, tocounos realizar a xornada de acollida e mostrar as nosas instalacións e dinámicas de traballo.
Destas xornadas de observación saíron colaboracións e ideas interesantes para mellorar a práctica docente nos dous colexios.
Na seguinte presentación poderás acceder a toda a información sobre o punto laranxa.
As inclemencias climatolóxicas impediron que este ano sairamos polas rúas de Cambados coa intención de animar a vila e poder compartir con toda a veciñanza os nosos disfraces.
Sen embargo, o noso alumnado non quedou sen festa e adaptámonos ás circunstancias facendo un desfile pola escola e degustando doces típicos de Entroido.
Premendo na imaxe podedes ver imaxes dos diferentes disfraces.
Este ano celebramos o Día da Paz nun lugar moi significativo do noso barrio e da nosa vila: o asilo.
Queremos agradecer a boa disposición que nos atopamos para poder celebrar nos xardíns o acto para esta conmemoración.
Premendo na imaxe, pódeses acceder a un álbun de fotos e, máis abaixo, deixamos unha lista de reprodución con vídeos do realizado.
Como cada ano, o salón Peña vestiuse de gala para celebrar o Festival de Nadal do cole, onde todas/os as artistas que temos puideron amosar todo o seu talento.
O traballo realizado e os ensaios deron o seu froito e todo saiu moi ben.
Se queredes ver imaxes da xornada, premede na imaxe.
O mércores, e sen previo aviso, recibimos a visita dos Reis Magos, que agasallaron ao alumnado con chuches e comprobaron que todas e todos enviaran correctamente as súas cartas.
Premendo na imaxe pódese acceder ao álbum de fotos da xornada.
Agradecemos á ANPA Os Olmos o traballo realizado para que esta visita se levase a cabo.
No mes de novembro celebramos o magosto no colexio. Tivemos un día moi especial con xogos populares e castañada.
Pasámolo moi ben!!
Podedes acceder ao álbum de fotos facendo click na imaxe.
Este martes 31 de outubro celebramos no cole o Samaín.
Exposición de cabazas, bailes preparados na aula de música e lectura de contos na biblioteca terrorífica foron parte deste día especial.
Facede click na imaxe para poder acceder ao álbum de fotos:
Tamén vos deixamos a continuación a lista de reprodución dos bailes realizados:
O noso cole participou no XXII Rebumbio Matemático con dous grupos de alumnos de 6ºA e 6ºB. Despois de clasificarse na fase zonal, Carme, Carlos e Lucas foron á fase autonómica para disfrutar dunha xornada co resto de compañeiras/os doutros colexios. Nesa xornada, ademais, conseguiron o terceiro posto e froito delo voltaron a casa con algún que outro agasallo (unha tablet, unha calculadora científica e un libro).
Dende o colexio queremos felicitalos polo bo traballo en equipo que levaron a cabo e pola actitude tan positiva coa que afrontaron este reto.
- 1
- 2
- 3
- 4
- seguinte ›
- última »
Xunta de Galicia - Consellería de Educación, 2013 |