OBXECTIVO DA ACTIVIDADE
- Fomentar o uso e a valoración da nosa lingua.
- Potenciar a creatividade do alumnado.
- Traballo en familia.
ORGANIZACIÓN DA ACTIVIDADE
1º Investigando e creando en familia
Durante o mes, cada alumno/a investigará con axuda da súa familiapalabras galegas: en desuso, con sonoridade, que lles gusten, que lleescoiten a seus avós... ou simplemente palabras galegas que chamen a súa atención. Unha vez decidida a palabra, buscará o seu significado e elixirá a forma de presentala no colexio (decorada en papel, digitalmente...).
2º As Verbas chegan a clase
O último xoves de cada mes, o "xoves galego", na hora de ler (ou noutro momento que decida a clase) compartirán as palabras de todos/as alumnos/as da clase e elixirán/acordarán, por votación,a que máis lles guste, que se convertirá na palabra do mesa da clase. Esa palabra irá parar ao MURO DAS VERBAS.
3º Envío ao EDNLG
Enviaremos á coordinadora esta palabra para que a coloque no muro físico das verbas e a inclúa no muro das verbas en formato Dixital (palabra e significado).
4º O Muro das verbas do Vista Alegre
Ademais, a final de curso, elixiremos un muro do colexio, no que o alumnado de sexto de primaria, escribirá as VERBAS DO CAMIÑO, deixando así a súa pegada do seu paso polo centro.