No lateral dereito desta web agregouse a función PUNTO LARANXA, un espazo para que o alumnado poida comunicar situacións de acoso escolar de xeito anónimo.
As comunicacións realizadas a través do formulario irán a un enderezo habilitado para a coordinación de convivencia do colexio. A aplicación permite enviar resposta de xeito anónimo a IP dende a que se recibe.
COMO FUNCIONA O BUZÓN DO PUNTO LARANXA DO NOSO CENTRO?
Se estás a sufrir acoso ou ciberacoso escolar ou coñeces algún posible caso, axúdanos a paralo!
- Escribe de maneira anónima a túa mensaxe nun lugar onde te sintas seguro/a.
- Localiza o Punto Laranxa no teu centro.
- Deposita na caixa do Punto Laranxa a túa mensaxe (esta caixa só pode ser aberta polo equipo docente encargado de loitar contra o acoso escolar no teu centro).
Lembra que tamén podes achegar a túa mensaxe a través do Punto Laranxa que tes no lateral dereito desta web.
