Un ano máis co grupo ecolóxico

Onte os nenos e nenas do grupo ecolóxico comezaron cos prepartativos do horto escolar. Traballaron intensamente. Despois xa verán os resultados cando comecen a medrar todo o que se plante: leitugas, tomates, pementos…  Seguide así!

Esta é a semana que finalmente decidimos ir plantar no monte.

O mércores, 11 irá o grupo ecolóxico a preparar as cousas. Hai moito que facer:  inventario de árbores vivas, os seus tamaños, espacios disponibles para plantar, pequenas podas (xa é algo tarde), organizar o espacio de plantación do día seguinte, etc.

Preparando as árbores para levar ó Xibao

Logo irá todo o colexio, o xoves 12, para plantar 50 árbores e moitas landras. Será un impulso máis á nosa parcela do monte que foi en tempos un lugar abandoado, con verquidos incontrolados, e agora estase a converter nun lugar fermoso.  Co tempo estamos a acadar un xardín botánico de especies propias, diferentes dos piñeiros e eucaliptos que tanto abondan por aquí:  carballos, castiñeiros, salgueiros, amieiros, capudres, biduieros, freixos, avelaeiras, …

Promete variedade e riqueza!

  Seguimos co noso blog de Voz Natura para as actividades do Grupo Ecolóxico. Visitádeo con frecuencia.

O colexio publicou un boletín informativo para pais e nais no que informa das actividades que levan a cabo os nosos voluntarios/as.

   Podedes descargalo en formato PDF no arquivo adxunto. 

O grupo ecolóxico empapelou caixas de reciclaxe.Fixemolas cos seguintes pasos:

1º Cortamos caixas grandes pola metade.

2º Con celo pegamos as caixas.

3º Cortamos anacos de papel azul e fixamolos con celo ás caixas

4º Repartimos as caixas polas aulas.

Os membros do grupo ecolóxico somos alumnos do colexio que voluntariamente nos apuntamos a tarefas que teñen que ver cos asuntos do coidado do noso medio natural.

Traballamos normalmente nos recreos (¡non todos os recreos!),  organizados por equipos de amigos, que durante o ano imos cambiando de actividade segundo o que toque facer cada momento. Queremos aprender as boas costumes ecolóxicas, e queremos axudar a que todo o colexio as aprenda connosco. Non é nada difícil.

Se te preocupa a ecoloxía, únete ao noso grupo.