Benqueridas familias:

Queremos comunicarlles que toda a Comunidade Educativa estamos de noraboa pola concesión da medalla DE VIGUESES DISTINGUIDOS AO CEIP SEIS DO NADAL por parte da Corporación Municipal do Concello de Vigo, en base ao seu proxecto pedagóxico e escolar.

Todos e todas que formaron e forman parte desta gran Comunidade somos partícipes deste recoñecemento: profesorado, alumnado, familias, Auxiliares, Porteiro-vixiante, ANPAS, Agrupación Deportiva , monitores de actividades extraescolares, traballadores da limpeza, traballadores do comedor e Equipos Directivos. Temos que sentirnos moi orgullosos defendendo este proxecto e seguir crendo que : “ O Seis é máis ca unha escola”.

Asimesmo tamén lles queremos contar que hoxe , en Santiago, recolleremos o PREMIO Á MELLOR ENTIDADE QUE PROMOVE O DEPORTE BASE DE TODA GALICIA, concedida pola Xunta de Galicia , na Cidade da Cultura, referida á Agrupación Deportiva.

Á mesma hora en Vigo, recolleremos o premio como Mención Especial a AGRUPACIÓN DEPORTIVA SEIS DO NADAL, concedido pola Corporación do Concello de Vigo na Gala do Deporte Anual.

Todo esforzo ten a súa recompensa, e ainda que non son premios económicos , dannos folgos para seguir loitando cun proxecto así, único, dentro dunha escola pública.

Moitas grazas a todos e todas pola vosa implicación. O Equipo Directivo.