Àbrese o prazo de presentación de solicitudes para a admisión do alumnado no curso 2023/2024 só para alumnos de nova incorporación ao centro, que será do 01.03.2023 ata o 20.03.2023 (ambos incluídos).
Estas solicitudes de admisión poderanse presentar a través da aplicación admisionalumnado (https://www.edu.xunta.es/admisionalumnado/) ou de forma presencial na secretaría do centro docente. Xunto coa solicitude debidamente cuberta e asinada deberase presentar a fotocopia do libro de familia ou documento equivalente onde figure o/a alumno/a e os demais membros computables da unidade familiar.
Para calquera dúbida sobre a admisión de alumnado poden consultar na secretaría do centro chamando ao 881880709.
Publicación das listaxes provisionais e definitivas do alumnado admitido e non admitido:
• As listaxes provisionais publicaranse o día 25.04.2023. O prazo de reclamación contra as listaxes provisionais será do 26.04.2023 ata o 03.05.2023. As listaxes definitivas publicaranse o día 15.05.2023. As listaxes provisionais e definitivas poderanse consultar a través da aplicación admisionalumnado (https://www.edu.xunta.es/admisionalumnado/) empregando a Chave365 ou o certificado dixital e tamén no taboleiro de anuncios do Centro.
Prazos para formalizar a matrícula:
- En infantil e primaria: Do 20.06.2023 ata o 30.06.2023
- En ESO: Do 23.06.2023 ata o 07.07.2023
Normativa aplicable:
DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
ORDE do 21 de outubro de 2022 pola que se desenvolve o Decreto 13/2022 e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Mañá mércores 1 de Marzo de 2023 ás 11:15, a radio escolar do CPI Plurilingüe Cabo de Area volve emitir co nome "Cabo da Area nas Ondas". E como primeira actividade, o Equipo de Dinamización de Lingua Galega, o Equipo de Biblioteca e os Clubs de Lectura de Primaria e Secundaria aproveitaron a visita da escritora Arantza Portabales para facer unha lectura de parte da súa obra e unha entrevista.
Poderase acceder facendo clic na imaxe do noso novo logotipo para a radio, ou ben, facendo clic nesta ligazón.
O prazo de presentación de solicitudes de reserva de praza para o alumnado que cambia de etapa educativa e desexa continuar estudos no centro de adscrición o curso 2023-2024 será desde o 16 de xaneiro ata o 6 de febreiro.
Poderán solicitar a reserva de praza para este centro o alumnado do EEI de Traba e do CEIP de Torrexallóns para o vindeiro ano académico 2023/2024.
Asimesmo, o alumnado de 4º de ESO deste centro que vaia cursar 1º de bacharelato no IES Eduardo Pondal de Ponteceso no vindeiro ano académico 2023/2024, poderá solicitar a reserva de praza neste centro.
A devandita solicitude de reserva, que se achega no ficheiro adxunto, poderase presentar no centro no que o alumno está matriculado neste curso ou por internet na aplicación de admisionalumnado.
Ficheiros adxuntos:
A Asociación VIEIRO dentro da programación de PREVENCION no ÁMBITO FAMILIAR, pon en funcionamento o programa “PAIS E NAIS NO OCÉANO EDUCATIVO”, destinado a pais, nais e persoas con responsabilidade familiar, que desexen informarse e formarse á hora de desempeñar a súa labor como educadores/as.
Remitimos información neste pdf (PINCHAR AQUÍ)
Acordo de CONVOCATORIA DE ELECCIÓNS ao Consello Escolar e SORTEO DOS MEMBROS DA XUNTA ELECTORAL (enlace PDF)
A Consellería de Cultura, Educación, Formación Profesional e Universidades ampliou en 25 € a axuda para adquirir material escolar para este curso 2022/2023. Esta ampliación regúlase na Resolución do 5 de outubro de 2022 de concesión directa da ampliación da axuda para adquirir material escolar (DOG núm. 196 do 14.10.2022).
As familias que foron beneficiarias do cheque de material de 50 € para este curso 2022/2023 poden recoller na secretaría do centro o cheque de 25 € a partir das 10:30 horas do vindeiro 17/10/2022. As familias non teñen que realizar máis trámites que recoller o cheque e entregalo na librería da súa elección ao mercar material.
Utilizarase preferentemente na librería antes do 01/12/2022.
O centro nunca expedirá un novo vale, en caso de que a persoa beneficiaria ou a libraría o extravíen.
LUNS 19 DE SETEMBRO: EDUCACIÓN INFANTIL E PRIMARIA
E.INFANTIL:16,00 H.
1º E. PRIMARIA: 16,00 H.
2º E. PRIMARIA: 16,30 H.
3º E. PRIMARIA: 17,00 H.
4º E. PRIMARIA: 17,00 H.
5º E. PRIMARIA: 17,30 H.
6º A/B E. PRIMARIA: 17,30 H.
MÉRCORES 21 DE SETEMBRO: SECUNDARIA
4º ESO e 3ºESO: 16:00 H.
1ºESO e 2ºESO: 17:00 H.
As aulas nas que se desenvolverán as xuntanzas, serán as indicadas polo profesorado correspondente que recollerá as familias nas entradas do edificio.
Esperamos que a asistencia sexa masiva, posto que estas xuntanzas son moi importantes para o desenvolvemento do curso escolar.
Bo día:
Mañá día 8 de setembro comezan as clases de infantil, primaria e secundaria no horario habitual de cada ano. Coma sempre, no caso de infantil e primaria en setembro e xuño a xornada será continua.
Haberá xa desde o primeiro día servizo de transporte e comedor. Neste curso 2022/2023 os buses entrarán no recinto escolar para deixar e recoller ao alumnado. É por iso que aqueles alumnos/as que non utilicen o transporte escolar terán que esperar a que os buses abandonen o centro para poder entrar e saír polo portalón.
CALQUERA VARIACIÓN NO USO DO TRANSPORTE DEBERÁ SER COMUNICADA CON ANTELACIÓN AO TITOR/A.
Está prohibido que as familias accedan ao recinto escolar a deixar ou recoller ao alumnado.
Atentamente,
O Equipo Directivo.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »
