Esta semana fomos de paseo polo pobo de Castroverde, para mercar unhas plantas. Foi moi divertido porque paramos en varias tendas de camiño á Casa de Serra, que era a onde tiñamos que ir mercar as plantas, para levar para a casa o día da familia.

Falando coa profe Mónica de Secundaria, decidimos facer unha actividade conxunta co seu alumnado de 3º ESO. Foron uns apadriñamentos na horta, na que o alumnado de ESO, tiña que axudar ó alumnado de 5º Ed. Infantil a limpar as parcelas e os arredores para poder sementar nos vindeiros días. E os de 4 anos axudaron ós da ESO a plantar uns tomates e pementos na súa horta. Un traballo cooperativo entre etapas, do que aprenden uns de outros. Outro reto máis conseguido no CPI DE CASTROVERDE

Dentro do plan Proxecta: Mestres Gandeiros, o alumnado de 5º ed. Infantil, estamos a facer un proxecto dos pitiños, que poderedes ver cando o rematemos. Pero agora vámosvos amosar como foi o proceso de incubar os ovos e a espera que se fixo eterna, eses 21 días non paramos de mirar para os ovos, e desde que sairon os 13 pitiños xa foi o máis incríble. Ver como medraban, como comían o penso e bebían a auga do bebedeiro, e como a mestra Elena lles cambiaba a "camiña" todos os días...

Con este vídeo, amosámovos unha pequena mostra do que fixemos con Ritu na nosa aula, pero ainda quedan algunhas  cousiñas mais por facer. Asique premede no vídeo para ver, veña axiña!!

Seguimos de viaxe pola India e aproveitando que temos no cole a Ritu, invitámola a que viñera á nosa aula a contarnos cousas do seu inmenso país. E comezamos sabendo como se escriben o nosos nomes na súa lingua materna. Se premedes no video, podedes velo. Foi moi moi interesante a súa visita. Pero aínda hai máis, que vos ensinaremos máis adiante. ....