NANOTECNOLOXÍA: LUIS M. LIZ MARZÁN NO CPI DE CASTROVERDE

Luis M. Liz  Marzán é  Doutor en Química pola Universidade de Santiago de Compostela (1992) e foi postdoutorado na Universidade de Utrecht e  profesor visitante na Universidade de Tohoku, Michigan, Melbourne e Hamburgo, así como no Instituto Max Planck de Coloides e Interfaces.  Despois de permanecer 15 anos como catedrático  e director dun equipo de investigación  de Química-Física na Universidade de Vigo, é actualmente Profesor Investigador Ikerbasque e Director Científico do Centro Vasco de Investigación Cooperativa en Biomateriales BiomaGUNE en San Sebastián. É coautor de máis 325 publicacións e 6 patentes, supervisou máis de 20 teses de doutoramento e recibiu importantes premios de investigación tanto nacionais como internacionais. É redactor Senior da revista científica Langmuir e é membro do consello consultivo editorial de varias revistas científicas sobre química, nanotecnoloxía e materiais.  As súas liñas de traballo actuais inclúen a síntese de nanopartículas, as súas interaccións, o estudo de nanopartículas plasmónicas, un campo con especial incidencia en diversas áreas, entre as que destaca a biomedicina  e desenvolvemento de ferramentas de diagnóstico e detección baseados  en nanopartículas.

As actividades que realizará o 10 de abril de 2015 no CPI de Castroverde son as seguintes:

XOGANDO A CAMBIAR DE ESCALA, DE 10.50 A 11:20:  Estará dirixida ó alumnado de educación primaria, de 3º a 6º.

NANOTECNOLOXÍA PARA O MUNDO CONTEMPORÁNEO, DE 11.25 A 12:15:   Conferencia para o alumnado de secundaria e todas as persoas que desexen asistir.

 VÍDEO

TERTULIA DIALÓXICA ARTÍSTICA

O 24 de marzo de 2015, na biblioteca escolar do CPI de Castroverde, tivo lugar a Tertulia Dialóxica Artística sobre a obra  EL CABALLERO DE LA MANO EN EL PECHO de El Greco.
A reprodución pedida ao Museo de El Prado permitiu ós presentes apreciar detalles que noutros libros de pintura e imaxes de Internet non se poden observar.
Achégase unha autofoto "selfie" diante da ubicación definitiva da reprodución da obra no CPI de Castroverde.

Os matices e impresións da totalidade das persoas asistentes foron moi interesantes. Agradecemos especialmente as intervencións de Daniel Díaz que nos axudou a profundizar en aspectos da técnica empregada, da formación do autor, do momento histórico e moitos outros detalles. 

 

POLÍTICA E ESTATÍSTICA: REALIDADE E FICCIÓN

CONFERENCIA DE SANDRA DÍAZ ÁLVAREZ 

Sandra Díaz Álvarez (que foi alumna deste CPI) é graduada en Ciencia Política e da Administración pola Universidade de Santiago de Compostela.

A actividade está dirixida ó alumnado de 3º e 4º de ESO e terá lugar  o xoves, 26 de marzo de 2015, a partir das 12:35 horas no salón de actos do CPI. Poden asistir  todas as persoas que estean interesadas.

TERTULIA DIALÓXICA ARTÍSTICA

O martes, 24 de marzo de 2015, na biblioteca escolar do CPI de Castroverde, terá lugar unha Tertulia Dialóxica Artística sobre a obra "El caballero de la mano en el pecho" que é un dos máis famosos retratos creados por Doménikos Theotokópoulos, El Greco.

Na biblioteca escolar hai unha reprodución da pintura orixinal.

A Tertulia estará coordinada polo profesor Daniel Díaz Trigo. Poden asistir todas as persoas que estean interesadas. Dará comezo ás 16.25 horas.

 

AXUDAS PARA A REALIZACIÓN DE ACTIVIDADES DE FORMACIÓN EN LINGUAS EXTRANXEIRAS


Ven de publicarse no DOG do 16 de marzo, a Orde do 2 de marzo de 2015, pola que se convocan axudas para a realización de actividades de formación en linguas estranxeiras no ano 2015, destinadas ao alumnado dos centros docentes sostidos con fondos públicos, en réxime de concorrencia competitiva. O prazo de presentación de solicitudes comeza o día 17 de marzo e remata o día 16 de abril.

Máis información aquí

Distribuir contenido