Felices Festas e Feliz Ano a toda a comunidade do CPI Virxe da Saleta: Alumnado, familias, profesorado, persoa laboral do centro e a todos os veciños e veciñas dos concellos de Cea e Piñor. Este foi un ano cargado de traballo e aprendizaxes e agardamos que o que ven veña mellor aínda. As clases reanúdanse o 8 de xaneiro, pero a nosa web non descansa, e durante as vacacións iredes vendo como suben os videos de cada actuación do festival de nadal. Un ano máis, fixestes un grande traballo coas vosas actuacións. Parabéns a todos.
A Revista da Tarde, programa da TVG emitido o luns 17 de decembro recolleu a nova da publicación do noso libro Cántame e Cóntame Avoa. Na noticia podedes escoitar aos profes e aos alumnos falando e tamén ao señor Eladio de Confurco abraiado coa repercusión mediática das súas cantigas. Picade directamente no minuto 19:37
A semana pasada estivo con nós o grupo Chévere, representando unha obra de teatro. Dous actores tivéronnos enfeitizados durante toda a tarde, achegándonos a información oculta que teñen algunhas cancións que todos bailamos ou tarareamos algunha vez. Realmente a mensaxe que nos transmitiron foi:
Este ano os alumnos de 4º de ESO de Cultura Clásica e de Informática comparten aula…. e van compartir tamén traballo.
Nunha das aulas de informática do centro, teñen as clases de Informática e de Cultura Clásica á vez,sí, sí,… á vez… e porque non?? Así todos poden utilizar os equipos informáticos. Deste xeito, coinciden no tempo en no espazo o Imperio Romano, Sócrates, Edipo e Safo con microprocesadores, software libre, drivers e códigos HTML… demostrando que a convivencia é sempre posible, e ademais pode ser moi enriquecedora.
Aproveitando esta circunstancia, exercerán de equipo de redacción para a páxina web do colexio. A partir de agora, encargaranse de manternosinformados a todos das actividades que se celebren, escribindo pequenas crónicas ao respecto. Ademais, contarán coaaxuda da profe Paquita - gran coñecedora na nosa lingua e moi hábil acomodando palabras -e coa profe Maite, que malo será que non lles bote unha man cando os ordenadores ou Internet (ou ambos) se poñan rebeldes.
Pois alá imos, agardamos que vos guste o seu traballo!!!