blogue de : Jesus

Este curso incorporaronse tres nenos e unha nena en Educación Infantil,co que seremos 20 nenos/as na aula. Como podedes ver nas fotos o periodo de adaptación transcurriu de forma positiva, salvo algunha lagrimiña na despedida de papá e mamá. Ao cabo de 3 minutiños xa todos e todas estaban contentos na escola, coñecendo aos mestres e mestras, escoitando contos, cantando cancións, traballando a psicomotricidade fina coa plasti, relacionandose cos demais de forma moi positiva, aseandose, merendando, xogando no patio, escomezando a aprender as normas da escola, e tratando de ser o máis autonomos posible, para medrar e ser maiores.

No mes de marzo fixemos unha pequena excursión para traer algunha terra para o horto que fose algo máis productiva que a que temos.

O avó de Alex deixounos levar unha pouca terra da súa leira.

Foi un día moi especial e moi esgotador xa que traballamos todos e todas coma tolos. Deixovos algunha fotos para que vexades que non é mentira.

Pero pasámolo bomba.

Convidados polos alumnos do CEIP San Xoan de Becerreá, decidimonos a completar o taboleiro das emocións, facendo 6 grupos e pensando en momentos ou cousas que nos fixeran sentir alegres, tristes, enfadados, medorentos, avergoñados, ou sorprendidos.

Created with Padlet