A EOI na prensa
Una muestra de lo que nunca debió suceder
Clica na foto para acceder á noticia
A EOI de Vilagarcía gaña o XVII Premio para a Igualdade de Xénero
O noso centro foi recoñecido na décimo sétima edición do PREMIO PARA A IGUALDADE DE XÉNERO: BÓAS PRÁCTICAS NA EDUCACIÓN, convocado pola Área de Igualdade-CIM do Concello de Vilagarcía.
Agradecemos moito á Área que habilitase unha categoría especial para os centros de ciclos formativos, ensinanzas de réxime especial e obradoiros de emprego, que contamos cunhas características diferenciadas aos centros de infantil, primaria ou secundaria e bacharelato.
O premio otorgouse polo proxecto “Ondas de Igualdade. Radioteatro nas Aulas”, promovido polas docentes do departamento de Lingua Galega e dirixido ao alumnado do CELGA IV de xeito particular, e ao resto do centro de maneira xeral. Como se pode ver na web do Concello, o proxecto tiña como obxectivo, entre outros, promover a reflexión sobre os estereotipos de xénero na sociedade actual, a identificación e a análise de prácticas en positivo coas que combater eses estereotipos e prexuízos, e a promoción de accións dirixidas a mudalos. A través de diversas dinámicas da aula, levouse a cabo unha primeira labor de observación da realidade e de reflexión, que materializaron nun franelograma onde o alumnado clasificou condutas, clichés e comportamentos sociais machistas. Estas reflexións servíronlle para, posteriormente elaborar textos narrativos e guións radiofónicos que gravarán e publicarán na radio da escola.
O fanelograma poderá consultarse no hall da EOI até que remate o curso e o diploma no marco instalarase na entrada, xunto cos outros recoñecementos dos últimos anos.
Nestas ligazóns se poden consultar as diferentes notas de prensa.
Premios para resaltar las buenas prácticas en materia de igualdad (lavozdegalicia.es)
Aprender galego: historias de amor e de conveniencia na escola de idiomas
Unha caraqueña, un italiano, unha manchega e varios galegos explican por que estudan esta lingua na EOI de Vilagarcía. Preme aquí para ler a noticia de prensa publicada en La Voz de Galicia - Edición Arousa.
Imaxe de Adrián Baúlde.
