Organización

Os pais, nais ou titores do alumnado menor de idade poden comprobar as súas ausencias ás aulas entrando en CentrosNet. Para acceder deberán introducir como "usuario" o número de expediente ou a data de nacemento e como "contrasinal" o DNI do/a menor (sen letra).

Tamén poden contactar directamente cos profesores/as no horario que estes teñen de atendimento ao público.

Descargue neste enlace as instrucións e o protocolo para entregar asinado na secretaría.

No noso centro, segundo se recolle no Decreto 189/2010 polo que se establece o Regulamento Orgánico das escolas oficiais de idiomas da Comunidade Autónoma de Galicia (D.O.G. do 19/11/2010) no artigo 16, procede renovar:

• sete (7) representantes do profesorado
• dous (2) representantes de pais/nais/titores
  
• catro (4) representantes do alumnado

O prazo de presentacións de candidaturas terá lugar do 11 ao 18 de novembro. Preme nesta ligazón para descargar o impreso.

Ao abeiro da Resolución do 19 de setembro de 2022, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos, o mércores 2 de novembro ás 13.30h na secretaría do centro realizouse o sorteo público para a designación dos membros da Xunta Electoral. Véxase acta do sorteo na seguinte ligazón.

O día 7 de novembro quedou constituída a Xunta Electoral que velará polo correcto desenvolvemento do proceso de renovación do Consello Escolar. Consultar acta aquí.