Localización, Cafetería, Organigrama, Conserxería tlf. 881 880 486, Consello escolar, Profesorado, Cargos directivos, Marco legal, Novas, Contacto, Administración tlf. 881 880 494

As alumnas e alumnos que cursan Latín ou Grego en 4º de ESO e bacharelato voltaron, un ano máis, ao Festival de Teatro Grecolatino que se celebra na cidade de Lugo no mes de marzo, concretamente no auditorio Gustavo Freire. A obra que foron ver foi "Os xemelgos de Plauto" representada pola compañía Noites de Bohemia.

Ademais de acudir ao teatro, alumnos e profesores visitaron a sala de exposicións Porta Miñá onde se explica como se configurou a cidade de Lucus Augusti, seguindo o proceso evolutivo desta, dende as súas orixes, como campamento, pasando pola etapa de máximo esplendor e fortificación, a construción da Muralla, ata acadar o seu ocaso.

Suspéndese a actividade de Xogade que se ía desenvolver o sábado 27 en Narón. Manterémosvos informados das novidades que poidan xurdir a próxima semana. Esta é a mensaxe que figura na web da Delegación de Atletismo de Ferrol.

A consellería de Educación publica a orde que regula a convocatoria das probas de acceso a ciclos formativos de grao medio e grao superior sendo os prazos de inscrición os que se describen a continuación:

Prazo de inscrición nas probas de acceso:

• Ciclos formativos de grao medio: O prazo de presentación estará abranguido entre os días 4 ao 15 de abril de 2016, ambos os dous incluídos.
• Ciclos formativos de grao superior: O prazo de presentación estará abranguido entre os días 15 ao 26 de febreiro de 2016, ambos os dous incluídos.
• Texto da orde.

Un curso máis Biblioraíces foi admitido no programa Voluntariado na Biblioteca Escolar dentro do programa Bibliotecas Escolares Solidarias. Parabéns ao Equipo de Biblioteca e aos alumnos e alumnas participantes!

Durante estes días está operativo o correo electrónico do centro para consultas e urxencias. Contacta co centro a través do seu enderezo electrónico: ies.agra.raices@edu.xunta.es

Boas vacacións!!