Dous grupos de alumnos/as de 3° da ESO formados por: Anxo Gómez, Ilduara Martínez, Xenxo González e Félix Laranxeira, o primeiro, e María Cea, Noa Abellán, Paula López e Alicia Presa, o segundo, participaron no concurso de matemáticas Ligamats, organizado pola Escola Rosalía de Castro.
Deron o mellor de si mesmos, tanto na proba coma na preparación previa no instituto, así que noraboa para todos/as eles/as!!!
Ademais, o equipo formado por María, Noa, Paula e Alicia acadou a terceira posición na clasificación xeral. Unhas fenómenas!!
Aula virtual
O pasado 21 de marzo, o coro, formado por alumnado de 3ºESO, ofreceu un concerto para os compañeiros/as do CEP Celso Emilio Ferreiro. Neste centro educativo estudaron varios membros do coro, que recordaron o seu paso polo colexio con agarimo, ainda que viviran os últimos cursos de primaria durante a pandemia pola COVID.
O alumnado de 4º da ESO tivo a oportunidade de aprender un pouquiño máis sobre Rosalía de Castro nesta semana en que celebramos a nosa gran poeta, nada un 23 de febreiro. A través da estudosa María López Sández achegámonos á súa obra a través das referencias botánicas, unha regalía sen dúbida.
O alumnado de 2º ESO tivo a oportunidade de participar na xornada do Día da Muller e a Nena na Ciencia no Verbum.
O alumnado de música recibiu unha agradable sorpresa ao poder compartir unha aula coas artistas galegas máis recoñecidas do momento Fillas de Cassandra.
