Skip to Content

Benvida

Neste enlace podedes ver un vídeo que recolle máis imaxes do centro e informacións de interese, sobre todo para as familias.           

Teatro Jofre

E chegou o día do esperado evento -sobre todo polo alumnado participante-, con moitos nervios, pero sobre todo, moita ilusión.

Todo saiu segundo o previsto, como é normal despois do gran traballo realizado polos nosos pequenos/as actores e actrices. Queremos felicitalos a todas e todas porque o fixeron como auténticos/as profesionais do medio, cunha maestría e cunha tranquilidade incribles tendo en conta, ademais, a súa corta idade. Tamén queremos agradecerlles a súa implicación e bo comportamento.

O elenco da obra nos camerinos do teatro Jofre (16 auténticos/as campións e campionas)

Plan de convivencia

O Plan de Convivencia do centro foi sometido a revisión por parte da Comisión de Convivencia, co que queda definitivamente actualizado.

Darase información máis precisa no claustro e no Consello Escolar, pero xa está publicado no apartado Documentación, polo que pode ser consultado por toda a comunidade educativa. 

Para facilitar o acceso, ofrecemos un enlace ao mesmo.

Aula de convivencia

No apartado O centro > Documentación recóllese o protocolo de actuación ante o alumnado derivado á aula de convivencia onde se especifican as funcións que lles corresponden a todos/as os/as responsables. Podedes acceder a el tamén premendo neste enlace.

Empezando o Entroido en...

As/os profesoras/es de As Telleiras, coma sempre, noutra galaxia:

Portas de Nadal

AS PORTAS DE AS TELLEIRAS VÍSTENSE DE NADAL


Como paso previo ao concurso que se celebrará o venres 18 entre todas as clases, os departamentos e a biblioteca do centro decoraron as súas portas con motivos navideños relacionados coas súas materias. Desde aquí animamos a todos os cursos a que elixan o seu tema e amosen a súa imaxinación e creatividade decorando a porta da súa aula.

 

Tod@s contra a violencia de xénero

Hoxe, 25 de novembro, Día Internacional contra a violencia de xénero é un bo día para concienciar ao noso alumnado sobre a lacra social que supón a violencia exercida en contra das mulleres polo so feito de selo, e sobre a necesidade de loitar en contra dela entre todos e todas. 

Con este motivo en todas as aulas leuse un manifesto escrito por alumnas de 2º de BAC (preme na imaxe para lelo) e realizouse, no vestíbulo do centro, unha exposición de traballos e unha proxección de vídeos elaborados polo alumnado da ESO. 

     

XXII concurso canguro matemático europeo 2015

   A finais deste mes farase entrega dos premios e diplomas ao alumnado que se presentou a este importante certame internacional, no que o IES As Telleiras tivo unha excelente participación: 24 alumnos (17 de 1º ESO, 3 de 2º ESO, 2 de 3º ESO, 2 de 4º ESO, 1 de 1º BAC y 2 de 2º BAC)

   O concurso tivo lugar, de forma simultánea en todos os países que concorren a el, o 24 de marzo e, como non podía ser doutra forma, o noso centro acudiu á cita con toda a ilusión e as ganas que sempre espertan este tipo de eventos.

 Por iso, queremos felicitar a todo o alumnado participante  pois, sexan cales sexan os resultados, consideramos que a actividade foi moi positiva e que con ela se acadaron todos os obxectivos propostos:

- que o alumnado, a través das matemáticas, se cree un reto con el mesmo e cos demais.

-incentivar o gusto polas matemáticas.

- que o alumnado se divirta coas matemáticas xogando con elas a modo de pasatempos.

 Noraboa, de novo, a todos os/as valentes que se atreveron a encarar semellante reto.

Esperamos que nas próximas edicións do concurso continúe o éxito de participación acadado e, desde aquí, animamos a todo o alumnado a continuar nesta liña.

Gañadores/as en Intercentros

O centro tivo unha importante participación neste certame que se celebra anualmente no Concello de Narón;  felicitamos desde aquí a todo o alumnado pola súa implicación e animámolo a seguir con estas ganas en edicións futuras.

Unha vez decididos os premios nas distintas categorías, estes/as son os gañadores/as do IES As Telleiras:

EXPRESIÓN ORAL:

Teatro 1º ciclo ESO: 16 alumnos/as de 1º de ESO coa obra A auténtica vida de Miguel de Cervantes.

Canción: Paola Brage (3º ESO): Como hei de crer en ti?

Diálogo BAC.: Ainhoa López e Sandra Martinez

Ademáis destes 1os premios, 5 alumnos/as de 1º e 2º BAC. obtiveron un accesit pola obra teatral Os inmortais.

EXPRESIÓN ESCRITA:

Narrativa: Saray Díaz (1º Bac.): Conmoción: lembranzas da Espenuca.

Reportaxe xornalística: Saray Díaz (1º Bac.): Narón, do que ninguén se lembra.

Cómic: Tania Arias (1º A): Finisterrae

Teatro: Pablo Ramos (2º Bac.): Os inmortais

Poesía: Ainhoa López (2º Bac): Unha pinga de chuvia

Cartel anunciador: Saray Díaz (1º Bac.)

Noraboa a todos e todas polo traballo realizado.

Certame Intercentros 2015

Os días 29 e 30 deste mes celébrase o XXVI Certame Intercentos patrocinado polo Concello de Narón no que participan 28 alumnos/as do IES As Telleiras. Desexámoslles moita sorte e, sobre todo, que disfruten da experiencia.

Para ver os participantes e as modalidades, preme aquí.

Distribuir contido


by Dr. Radut