Escolares

O prezo da viaxe cultural de 4ºESO a Tenerife inclúe un seguro de asistencia en viaxe, obrigatorio para todos os pasaxeiros e que non ten un custe adicional. Con todo, existe a posibilidade de contratar un seguro a maiores: 

-Seguro de cancelación (20 euros): anulación de viaxe por causa xustificada

Se dexesan ver as condicións que establece este seguro para a viaxe a Tenerife poden facelo consultando os documentos adxuntos.  

De estar interesados na súa contratación deberase facer un ingreso ao mesmo número de conta do depósito inicial indicando no concepto:  Seguro + Nome do alumno + (IES As Telleiras)

O venres 28 de outubro o IES As Telleiras celebrou de forma conxunta o Samaín e o Magosto. Nesta conmemoración o alumnado realizou diversas actividades ao longo da mañá.

Por un lado, o alumnado de 1ºESO, 2ºESO e 3ªESO participou nun concurso de portas fúnebres. Aquí podedes ver algunha delas:  

Por outro lado, o alumnado de 4ºESO e 1ºBACH participou nun concurso de epitafios con moita retranca:

Mesmo o profesorado do centro se animou a participar decorando as portas dos distintos departamentos didácticos: 

Ao longo da mañá tamén se desvelaron as persoas gañadoras do concurso de relatos de ultratumba, convocado pola biblioteca, e do concurso de cabazas. 

As persoas premiadas no concurso de relatos foron Daniel Varela Tajes con "La casa misteriosa", Julia Calderón Lago con "Pesadelos de dor" e Diego Mourente con "El castillo del Infierno". 

As tres cabazas gañadoras foron da autoría de Diego Mourente, Ayelén Rodríguez Vilariño e Carolina Yáñez Gato, e Alexandre Rodríguez e Claudia Rego Serantes. 

E ao finalizar a mañá todo o alumnado do centro e o resto dos membros da comunidade educativa gozaron dunha degustación de castañas asadas.

O 17 de outubro conmemórase o "Día das escritoras" e desde as bibliotecas escolares propuxeron visibilizar a obra de autoras galegas, ben a través de exposicións, ben lendo fragmentos na hora de ler ou nos clubs de lectura ou a través de actividades de investigación, exploración ou creación. 

Desde a biblioteca do IES As Telleiras realizamos unha exposición da obra de escritoras galegas:

O Departamento de Lingua e Literatura Galega realizou tamén varias actividades de creación e de investigación centradas na figura de mulleres escritoras: 

E o Equipo de Dinamización da Lingua Galega realizou unha exposición en que diferentes textos de autoría feminina dialogan entre si: 

Desexamos que vos guste! 

Para o alumnado de 1º ESO realizáronse durante toda a mañá unhas XORNADAS DE ACOLLIDA con distintas actividades encamiñadas a dar a coñecer as instalacións e as distintas actividades que oferta o centro: a biblioteca, a zona de xogos, o club de ciencias, as instalacións deportivas, a cafetería...