Hoxe celebrouse no centro o festival de Entroido cunha ampla participación do alumnado. Non podía faltar neste acto a actuación estelar dos profes, que non se limitan a dar clase, senón que cada curso contribúen a facer que este día sexa o máis esperado do ano.
Felicitar ao alumnado que nos deleitou con elaboradas coreografías e cancións; facer mención en especial ao alumnado de 2º de BAC. que, ademáis de presentar o acto, sorprendeunos cunha excelente actuación. Grazas a todos/as os/as participantes e tamén ao público que fixo gala dun comportamento exquisito.
Para os que non os viron ou o queren repetir..., estes son os profes de As telleiras:
¡¡Aurora, Eva, María, Merce e Quique sodes únicos!!
O alumnado de 1º e 2º de ESO acudiu hoxe a unha charla informativa sobre os perigos de Internet, tan presente nas súas vidas e que tanto beneficios aporta, aínda que tamén certos problemas que entre todos/as debemos previr. Así de atentos/as escoitaron ao inspector encargado de impartila:
O alumnado de 4º de ESO e de BAC. viaxou este curso a Roma. Esta presentación, que realizaron eles mesmos na materia de informática, recolle algúns dos lugares que visitaron.
Onte tivo lugar o acto de despedida ao alumnado de 2º BAC. Foi un acto moi emotivo, con discursos de representantes da dirección, do profesorado e do alumnado.
Ademais proxectouse unha montaxe en diapositivas que recollía a evolución do alumnado e un vídeo gravado os últimos días de clase.
Para rematar ofreceronse uns pinchos cos que se puxo fin a un evento moi esperado polo alumnado e que contou cunha ampla participación das familias. O alumnado tivo a oportunidade de disfrutar dun divertido photocall (o profesorado non quedou atrás).
Esta é unha selección dalgúns dos momentos da xornada
O venres 17 de xaneiro, Quico Cadaval, un dos participantes do Festival Internacional de Narración Oral Conta con Narón, deleitounos cunha actuación no salón de actos do centro á que asistiron os alumnos e alumnas de 4º de ESO.
O acto, organizado polo Concello de Narón, foi un adianto do Festival que se desenvolveu durante a fin de semana no auditorio.
Hoxe o alumnado de 1º BAC. asistiu a unha charla informativa sobre transplantes organizada pola oficina de coordinación de transplantes do Hospital universitario A Coruña.
A charla estivo impartida por un profesional da OCT (enfermeiro do Juan canalejo) e por un transplantado.
Aquí tedes as mellores imaxes do evento que contou cunha ampla participación tanto de alumnado como de profesorado:
Empezando polo equipo directivo, sempre comprometido con este tipo de actos:
O responsable das TICs, en excelente forma:
Tamén houbo representación dos departamentos de letras (moi preparados para a ocasión):
Por suposto non podía faltar o departamento de Educación Física:
e o persoal non docente:
Foi unha xornada festiva e divertida (tamén esgotadora), pero sobre todo, enriquecedora en valores, que é do que se trataba. E como non, a recadación foi importante (de seguro terá un bo incremento cando lle toque a quenda ao alumnado do 2º ciclo de ESO e ao de bacharelato).
O alumnado do 2º ciclo da ESO asistirá hoxe á representación desta obra a cargo de Ron Lala.
Trátase dunha proposta que combina música e pezas cómicas breves do Siglo de Oro: humor en verso e música en directo para viaxar ao século XVII cuns cómicos da lingua do XXI.
Mañá asistirá á mesma obra o alumnado de bac.
Ofrecemos unha pequena mostra do espectáculo:
Dentro do mesmo programa, o 1º ciclo da ESO asistirá o 26 deste mes á representación La vuelta al mundo. Unha marabillosa viaxe na que se desafía a Fogg a dar a volta ao mundo en 60 minutos. Música en directo, marionetas e unha escenografía de maletas e baúis crean ambientes que nos transportarán a lugares exóticos. Unha aventura con bo humor e moita imaxinación para este percorrido.
