Entroido 2023
O venres 17 de febreiro tivo lugar no IES As Telleiras o Festival de Entroido. E como o curso 22-23 está sendo o curso da volta total á normalidade a celebración recuperou as tradicións que converten este día nun dos máis especiais e tamén nun dos máis esperados do ano académico.
É tradición no centro que o alumnado de 2º de Bacharelato sexa o encargado de organizar esta festa e, da mesma forma, é tamén un clásico que sexan as comparsas do profesorado as que dean inicio ao festival. Tanto alumnado como docentes estiveron á altura do que se esperaba deles. Foi un día de celebración e de diversión que tivo como temática a música da década dos 2000.
Se queredes ver as catro actuacións inaugurais das comparsas de profes podedes facelo pinchando aquí. Gozade do espectáculo!
Durante estas datas tamén se celebraron os tradicionais concurso de máscaras e concurso de cartaces de entroido. A seguir podedes ver as obras gañadoras:
