Convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2023/24
Convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2023/24
Orde do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 (códigos de procedemento ED330B, ED330G e ED330H).
- O prazo para presentar solicitudes iniciarase o día seguinte da publicación desta orde no Diario Oficial de Galicia e rematará o día 21 de xuño de 2023 (este incluído).
Campaña de concienciación animal
O alumnado de francés de 3° de ESO, no marco dunha unidade da programación da asignatura, organizaron en varias feiras unha recaudación de fondos para a compra de alimentos para animais, que o propio alumnado mercou e asistiron a unha campaña de concienciación animal presentada no instituto por Tamara Cardoso, que sin ánimo de lucro, se está facendo cargo dos animales sin fogar en Vilalba.
CONVOCATORIA PREMIOS EXTRAORDINARIOS DA ESO AO RENDEMENTO ACADÉMICO
O pasado venres, 14 de abril, publicouse no DOG a Orde do 31 de marzo de 2023 pola que se convocan os premios extraordinarios de ESO ao rendemento académico correspondentes ao curso 2022-2023 (código de procedemento ED311D).
O prazo de presentación de solicitudes será dun mes; comezará o día 31 de maio de 2023 e rematará o día 30 de xuño de 2023.
Pode acceder a máis información desta convocatoria na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311D.
TÍTULOS DISPOÑIBLES PARA A SÚA RECOLLIDA NO CENTRO
O alumnado do noso centro que titulou en 4º da ESO e os titulados en 2º de Bacherelato no curso 2020-21 teñen á súa disposición os títulos.
Poden pasar por ADMINISTRACIÓN a recollelos.
EXCURSIÓN SANTIAGO DE COMPOSTELA 3º ESO
O ALUMNADO DE 3º ESO (3º A-B-C-D-E) REALIZOU EN DATA 30 DE MARZO DE 2023 UNHA VIAXE A SANTIAGO DE COMPOSTELA COA PROPOSTA DE LEVAR A CABO UNHA ACTIVIDADE TRANSVERSAL QUE TIVO COMO OBXECTIVO o COÑECEMENTO DAS INSTITUCIÓNS GALEGAS, DA ARTE ROMÁNICA, E COÑECEMENTO DA CULTURA E IDIOMA GALEGOS.
VISITAMOS O PARLAMENTO GALEGO NO QUE OS GUÍAS DESTA INSTITUCIÓN NOS EXPLICARON COMO FUNCIONA O PODER LEXISLATIVO NA NOSA AUTONOMÍA. POSTERIORMENTE, NOS DIRIXIMOS Á CATEDRAL PARA CONTEMPLAR O NOSO LEGADO, FUNDAMENTALMENTE, ROMÁNICO, FINALIZANDO COA VISITA AO MUSEO DO POBO GALEGO E AO PANTEÓN DE GALEGOS ILUSTRES PARA TOMAR COÑECEMENTO DA NOSA IDENTIDADE COMO POBO.
ACTIVIDADE DEPARTAMENTO DE FRANCÉS
Os alumnos de 2° de BAC da materia de francés estrearon polo Nadal a crêpière do departamento en clase. Des crêpes au beurre! ( crêpes de manteiga, fariña, ovos, leite, sal e azucre). Très bonnes!
EXCURSIÓN A CORUÑA ALUMNADO 1º DE BAC DE HISTORIA DO MUNDO CONTEMPORÁNEO
O ALUMNADO DA MATERIA DE HISTORIA DO MUNDO CONTEMPORÁNEO VISITOU A AUDIENCIA PROVINCIAL DA CORUÑA PARA COÑECER O FUNCIONAMENTO DO SISTEMA DE XUSTIZA "DENDE DENTRO".
APROVEITARON A VIAXE PARA FACER OUTRAS VISITAS DE INTERESE, DOMUS, CASA DAS CIENCIAS, ... XORNADA APROVEITADA AO MÁXIMO.
VIAXE A PARÍS
O departamento de francés do IES Santiago Basanta Silva organizou unha viaxe a París do 2 ó 7 de decembro 2022 como leva facendo desde fai moitos anos. Primeira viaxe despois de 2 anos de parada pola pandemia.
PARQUE LÁNSBRIGA- SAN CIBRAO DE LÁS E VISITA Á CIDADE DE OURENSE- ALUMNADO 3º DA ESO
O obxecto desta viaxe foi visitar un dos máis importantes castros da xeografía galega: o CASTRO DE SAN CIBRAO DE LÁS, coñecido como “A Cidade” polas súas dimensións, pertencente á etapa final da cultura castrexa (S. II a.C-S.II). É un castro parcialmente escavado, que iniciou os traballos de escavación no ano 1922 grazas aos escritores galegos López Cuevillas e Vicente Risco. Está situado a 18 Km. da cidade de Ourense.
O alumnado de 3º da ESO levou a cabo un obradoiro sobre a obtención do lume, percorreu o castro e recibiu unha charla sobre a cultura castrexa no centro de interpretación próximo ao castro.
Rematada a visita ao castro, o alumnado puido coñecer a cidade de Ourense, á que nos desprazamos para o xantar.
Na viaxe de volta, contemplamos unha das marabillas da xeografía galega: os Canóns do Sil. Fixemos unha breve parada en Monforte de Lemos e chegamos ao IES ás 21 horas. Foi unha xornada divertida e moi enriquecedora para todos e todas os que participamos, tanto alumnado como profesorado.
ELECCIÓNS CONSELLO ESCOLAR 2022
ELECCIÓNS CONSELLO ESCOLAR 2022 - CONVOCATORIA PARA OS DIFERENTES SECTORES DA COMUNIDADE EDUCATIVA
