Skip to Content

Inglés

PROGRAMACIÓNS DIDÁCTICAS DO DEPARTAMENTO 2023-2024

No seguinte ENLACE podes consultar as programacións didácticas do departamento.

 

PROFESORADO DEPARTAMENTO 2023-2024

Ángela Martínez Fachal

DIGITALWEEK 2023


 

O obxectivo principal do programa Digital Week  é proporcionar ao alumnado participante unha actividade de inmersión lingüística que lle permita mellorar as súas destrezas de comprensión e expresión oral en lingua inglesa a través de actividades dixitais. Así mesmo, contará con actividades accións formativas non só académicas senón tamén que fomenten a actividade física, a socialización e o coñecemento cultural e tecnolóxico do contexto galego cunha metodoloxía adecuada á súa etapa educativa.

O contido deste programa inclúe actividades académicas, de tempo libre e obradoiros. En calquera caso, a finalidade é promover a convivencia entre o alumnado e a motivación pola comunicación en lingua inglesa e a adquisición dunha mellor competencia dixital, facendo uso de medios tecnolóxicos que favorezan a devandita aprendizaxe.

A metodoloxía será activa, lúdica e cooperativa; promoverá aprendizaxes significativas por parte do alumnado, incidindo na educación en valores democráticos e nos aspectos relacionados coa  sustentabilidade e coñecemento da contorna.

No curso 2022-2023 participou o alumnado de 4º ESO do 20 ao 26 de novembro de 2022 e as actividades tiveron lugar no Complexo xuvenil As Mariñas en Bergondo (A Coruña).

No curso 2023-2024 foinos concedido este programa para 4º de ESO e participan nesta actividade do 10 ao 16 de decembro de 2023.

 

Imaxe nos Peares (Ourense) - Decembro 2024

Viaxe fin de estudos a Edinburgh alumnado ESA

O alumnado que cursa a ESA (ESO de adultos) organizou unha viaxe a Edinburgh (Escocia). No seguinte vídeo amósase un resumo da viaxe.


 

SPRING WEEK 2024

 

 

O programa de inmersión lingüística activa Spring Week desenvólvese de acordo co obxectivo e características que se especifican a continuación:

1. O obxectivo principal é proporcionar ao alumnado participante unha actividade de inmersión lingüística activa en lingua inglesa que lle permita desenvolver actividades comunicativas nesta lingua, nunha contorna de comunicación real, ao mesmo tempo que afondan en coñecementos relevantes doutras áreas e materias do currículo do seu nivel e etapa educativos. Así mesmo, contará con actividades que fomenten a actividade física, a socialización e o coñecemento cultural cunha metodoloxía adecuada ó seu nivel e etapa educativos.

2. O contido deste programa inclúe actividades académicas, de tempo libre e obradoiros cuxa finalidade é promover a convivencia entre o alumnado e a motivación pola comunicación en lingua inglesa, facendo uso de medios tecnolóxicos que favorezan a devandita aprendizaxe.

3. A metodoloxía será activa, lúdica e cooperativa e promoverá aprendizaxes significativas por parte do alumnado, incidindo na educación en valores democráticos e nos aspectos relacionados coa sostibilidade e o coñecemento da contorna, segundo se recolle nos obxectivos de desenvolvemento sostible da Axenda 2030. (Enerxías renovables, produción e consumo responsable, cidades sostibles , acción polo clima).

Solicitamos a participación neste program e foinos concedido, polo que o alumnado de 1º ESO desenvolverá estas actividades  do 28 de maio ao 3 de xuño de 2023.

Distribuir contido


by Dr. Radut