IES Faro das Luas

IES Faro das Luas

 

 

IES Faro das lúas

Rúa Cuxhaven, 7- 36620 Vilanova de Arousa 

Tlf. 986 555 711

Fax.986 555 389

  ies.faro.das.luas@edu.xunta.es        

 

Fondo solidario de libros e Axudas para a adquisición de libros e material escolar

 

A Consellería de Educación da Xunta de Galicia publicou no DOG do 16 de maio a Orde que regula o fondo solidario de libros de texto (alumnos matriculados en 1º e 3º ESO no curso 2016-2017) axudas para adquisición de libros de texto (alumnos matriculados en 2º e 4º ESO no curso 2016-2017) e axudas para a adquisición de material escolar (todos os cursos).

Os pais/nais titores/as interesados deberán:

- Presentar unha solicitude única para todas as axudas con data límite de presentación do 23 de xuño.

- É imprescindible para a concesión da axuda entregar nos últimos días de clase os libros de texto deste ano académico en bo estado. De non facelo a solicitude estaría excluída.

  -  Para a comprobación dos datos da unidade familiar será necesario entregar copia do libro de familia de todos os membros da unidade familiar, e no seu caso sentenza xudicial de separación  ou divorcio ou certificado de convivencia (expídese no Concello).

Podedes consultar a orde do DOG nesta ligazón: http://www.xunta.gal/dog/Publicados/2016/20160516/AnuncioG0164-040516-0005_gl.pdf

A instancia-solicitude podedes recollela na administración do centro ou ben cubrila por internet nesta ligazón: https://sede.xunta.es/detalle-procedemento?codCons=ED&codProc=330B

Finalistas do III Concurso Proyecta Innovación

Estamos de noraboa no IES Faro das Lúas porque somos finalistas do III CONCURSO PROYECTA INNOVACIÓN.

Agora toca defender o proxecto o vindeiro 26 de maio en A Coruña !!! 

 proxecta

Información sobre o procedemento para a admisión do alumnado para o curso 2016-2017

Calendario:

-Reserva de praza Do 1 ao 15 de febreiro
- Solicitude de admisión
Do 1 ao 29 de marzo
- Presentación documentación xustificativa Do 1  ao 12 de abril
- Listaxes provisionais de admitidos e non admitidos 25 de abril
- Listaxes definitivas Antes do 15 de maio
- Formalización de matrícula Do 25 de xuño ao 10 de xullo 
- Prazo extraordinario de matrícula   Do 1 ao 10 de setembro

 

Impresos de solicitude: Na secretaría do cento ou nos seguintes enlaces:

ANEXO I Reserva de praza

- ANEXO II Solicitude de admisión

- ANEXO III-2 Formulario de matrícula en educación secundaria obrigatoria

Documentación: Fotocopia compulsada do DNI ou da páxina do libro de familia na que figure o alumno/a.

Area de influencia, mantense vixente a zona dos anos anteriores.

Londres. Diario de viaxe

 

Este ano os alumnos de 4º da ESO decidiron ir a Londres na súa viaxe de fin de curso.

                                    

 

 

1 de abril. Saímos dende o aeroporto da Coruña. A sorte quixo que houbera cola para tomar terra, polo que o avión levounos de paseo polos ceos de Londres no que puidemos ver os lugares que iamos visitar nos vindeiros días: as ribeiras do Támesis, o Parlamento, London Bridge, o London Eye, os parques... antes de tomar terra en Heathrow.

 

A primeira experiencia nunha capital europea tan importante foi, para moitos rapaces, abraiante. Non tiñan idea das súas dimensións, comenzando polo aeroporto!

 

En 15 minutos o Heathrow Express deixounos na estación de Paddington, onde, ben cargados coas maletas, collemos o metro ata Russell Square, onde estaba o hotel, moi ben situado cerca de Bloomsbury. Á tardiña, despois do reparto de habitacións, fomos de paseo ata o centro, a Picadilly Circus, coa súa famosa fonte de Cupido rodeada de luces. Pasamos polas zonas de máis ambiente da capital, que un venres a esas horas estaba chea de xente que ía e viña dos pubs, restaurantes, clubs, cines e teatros, particularmente Covent Garden. Demos unha volta por alí, ceamos en Leicester Square e volvemos, tamén camiñando, cara ó hotel.

 

 

 

2 de abril. O sábado pola mañá marchamos cara ao palacio de Buckingham. Aínda que non puidemos saudar en persoa á raíña (debía de estar cansada), puidemos ver o cambio de garda, con toda a exhibición de bandas de música, desfiles, etc. E de alí, paseando ao longo de St. James Park, chegámonos ata o Támesis, para ver o Big Ben, as casas do Parlamento, a estación de Charing Cross, os grandes edificios e paseos das súas beiras, etc. E por suposto para facer moitas fotos. A mañá de sol invitaba a facer un pícnic, e coa mesma mercamos uns bocadillos e unhas latas nun supermercado e collemos o típico autobús vermello de dous pisos para Hyde Park. A ruta levounos por rúas tan importantes como Regent Street e Oxford Street. Desmaiados sobre un coidadísimo céspede preto de Marble Arch, devoramos a comida, mandamos centos de whatsapps e, para facer a dixestión, fomos dando un longo paseo cruzando o inmenso parque para ver a estatua de Peter Pan nos xardíns de Kensington, cos seus esquíos e os centos de papagaios que abarrotaban as árbores.

 

Sempre a pé marchamos ata o Museo de Historia Natural, unha auténtica institución científica a nivel mundial. Na camiñada aproveitamos para ver unha das salas de concerto máis importantes do mundo, o Royal Albert Hall.

 

Ao saír do museo decidimos coller o metro ata Knightsbridge, para ver como era un dos máis famosos almacéns londinenses, Harrods. Como non levabamos cambio dabondo, decidimos non mercar nada e volver ao hotel. Púxose a chover, estabamos cansados... e ademais había un Barça-Madrid que non conviña perder. Á noite démonos unha homenaxe nun restaurante italiano que encontramos ben cerca de King's Cross.

 

 

 

3 de abril. O domingo collemos o autobús (por suposto o típico de dous pisos) até Trafalgar Square para ver unha das galerías de arte máis importantes do mundo, a National Gallery. Á saída, tras as fotos de rigor a carón da estatua de Nelson, e sendo domingo, o que tocaba era loxicamente visitar un mercado, así que collemos o metro ata un dos máis extraordinarios: Candem Town. Alí pasariamos case todo o que quedaba de día (e porque ás 6 da tarde pechaba case todo, porque se non...). No mercado de Candem hai tendas de todo tipo: moda, roupa alternativa, antigüidades, música, tatuaxes, piercing, comida de todas as partes do mundo no Candem Lock... Á tardiña fomos ata Leicester Square, pero a chuvia invitaba a ir de volta ao hotel, a descansar, probar os trapos, e asimilar a xornada. Para cear demos outra camiñata cara ao centro: esta vez decidímonos por unha hamburguesería de comida natural que quedaba entre Covent Garden e Leicester Square.

 

 

 

4 de abril. O luns pola mañá tocaba visitar museos, aínda que máis de un e de unha preferiran quedar na cama ata as 3 da tarde. Comezamos con outro dos imprescindibles: a Tate Britain, outra das galerías de arte máis importantes do mundo. Da Tate marchamos a South Kensington: algúns entraron no museo Victoria and Albert e outros, no Museo de Ciencias.

 

Á hora de comer decidimos ir directamente a Oxford Street... onde saciamos tamén a fame de “ir de compras”, porque os museos están ben, a cidade está moi ben, pero parece que a un lle falta algo se non vai de tendas. A media tarde, de Oxford Street a un dos barrios máis emblemáticos de Londres, o Soho, para percorrer algunhas das súas rúas máis famosas, como Carnaby Street, a través da cal chegamos ata Picadilly. Na fonte descansamos, fixémonos fotos con unha fotocopia vivente de Harry Potter, que ademais facía trucos de maxia, e gozamos da vista da cidade que comezaba a prender as súas luces. Por alí ceamos e, á noite, volvemos para o hotel, por suposto camiñando, como xa tomamos por costume, improvisando rutas alternativas coa axuda dun mapa.

 

 

 

5 de abril. O martes tocaba visita á Torre de Londres e á súa famosa ponte, o London Bridge. Así que aproveitamos para dar antes un pequeno paseo pola City, o centro financeiro da capital, pasando ao lado de algúns dos edificios máis emblemáticos e atravesando as extraordinarias galerías do Leadenhall Market, onde se filmaran escenas da película Harry Potter. Sempre camiñando, baixamos ata a fortaleza da Torre, e despois de tomar un “tentempié” cruzamos pola ponte ata a ribeira sur, o South bank. Que fomos percorrendo, pasando polo famoso Borough Market, ata chegar ao impoñente edificio da Tate Modern, que visitariamos despois do xantar. Antes cruzamos o Támesis pola ponte do Milenio para achegarnos ata a catedral de Saint Paul.

 

Saimos da Tate e, xa á tardiña, chegamos á atracción do día, o London Eye. Alí “encapsuláronnos” aos 25, todos ben xuntiños, e subíronnos aos ceos de Londres, xusto por encima do Big Ben. Inesquecible.

 

Finalmente cruzamos a ponte de Westminster, despedímonos do Parlamento e do Big Ben, e fomos ata Picadilly (loxicamente), para rematar o día: cea e paseo ata o hotel.

 

 

 

Mércores 6. Aproveitamos a mañá do mércores para visitar o British Museum, que tiñamos a apenas 10 minutos do hotel, e percorrer parte das súas impresionantes salas: arte asiria, grega, romana, exipcia... ver a Pedra Roseta e as momias...

 

Ao mediodía, cargados de bocadillos, maletas, moito sono, e, algúns, con algo de mágoa, collemos o metro para Paddington, e de alí o expreso para Heathrow.

 

No avión e no autobús dende A Coruña moitos ían pensando na tortilla de patacas, nos bistés, nas verduras, ou no guiso que lles estaba a agardar na casa, xunto coa familia.

 

 

Informaciòn sobre o Fondo Solidario de libros de texto 2015_2016

Infòrmase da resoluciòn provisional do fondo solidario delibros de texto 2015-2016:

 

Para calquera dúbida ou reclamación, póñanse en contacto co Centro en horario de 10 a 13 h ata o 31 de xullo.

Libros de texto 2015-2016

Pódense consultar os libros de texto do curso 2015-2016 na seguinte ligazón.

 

 

Distribuir contido