blogue demcuesta

Este fin de semana celebráronse en Santiago de Compostela as IX Xornadas de Bibliotecas Escolares de Galicia que convocan a todos os centros que teñen en marcha proxectos de Bibliotecas escolares. Nós participamos porque levamos moito tempo formando parte do Plambe, plan que pretende dotar e asistir as bibliotecas escolares nas súas funcións, necesidades e potencialidades. Ademais este curso participamos tamén no proxecto piloto de lectura dixital ELBE2 e estamos arrancando ca Radio na Biblioteca, que pretende utilizar a radio feita no centro como elemento de dinamización e mellora curricular. Estamos moi entusiasmados con estes  recursos e por iso as xornadas de Santiago resultáronnos moi interesantes. Uns 1000 mestres e mestras de toda Galicia achegaron as súas ideas e suxestións. Ademais, presentaranse un total de 26 experienciasde centro de moi diverso contido (funcionamento da biblioteca escolar, "hora de ler", voluntariado, biblioteca inclusiva, espazo creativo, proxecto lector, Radio na biblio, clubs de lectura, traballo por proxectos e outros).

As charlas sobre poéticas diversas estiveron presentes da man de Mar Benegas, Montse Pena e Carlos Negro. As xornadas remataron cunha charla inesquecible da xornalista Rosa María Cafaf sobre a necesidade de contrastar a información dos medios nunha época pouco transparente e saturada infrmativamente.

Unha vez máis a nosa biblioteca implícase no FIOT (Festival Internacional Outono Teatro). Nesta ocasión o alumnado de Bacharelato asistiu a un “sketch” protagonizado por Alba Bermúdez (ex-alumna do noso centro) e o actor Tone Martínez, vinculado ao teatro. Esta breve, pero intensa posta en escena, tivo como obxectivo principal a presentación da 27ª edición deste acontecemento tan relevante no acontecer cultural da nosa comarca.

Se queres ter máis información, preme no seguinte ligazón: Biblioteca Rebolo.

Os alumnos e alumnas da aula PT3, Ramón, Clara, Sebas, Marcos, Maxi, Alejandro, Noé e Brais, gañaron o PRIMEIRO PREMIO Á ORIXINALIDADE co seu mural de collage baseado no libro E haberá tirón de orellas? da homenaxeada María Victoria Moreno. O traballo en equipo e a colaboración de cada un deles e delas plásmase na orixinalidade e creatividade deste mural valorado co premio.

Bo traballo, equipo!

Por fin saíron os premios de Consumópolis. Na categoría de 1º e 2º ESO o equipo formado por Pablo Fraga Taibo, Pablo García Duarte,  Anxo Pose Fernández, Nerea Varela Vila e Cristina Muñiz González fixo un traballo tan bo que non pasou desapercibido no Instituto de Consumo. O mural chámase Non peches os ollos e propón unha reflexión sobre distintas formas de ver o consumos, que vemos, que non vemos..

Así que temos unha cita o venres 15 en Santiago de Compostela para recoller o premio e as honras.

Como xa aunciaramos, os días 4 e 5 de Maio vai ten lugar en Mérida a final nacional da Olimpíada filosófica de España. E nós temos tres finalistas con dous traballos:  Ana e Chelsy coa súa curtametraxe Serendipia e María coa súa imaxe persoal sobre a integración. 

As representantes  xa están de camiño. A primeira proba terá lugar en Cáceres capital, no IES Brocense. E a segunda cita, xa en Mérida, temola no IES Santa Eulalia.

Dende aquí todos/as sabemos que xa son gañadoras e desexamoslles que disfruten moito da experiencia.

Onte tivo lugar a final  da V Olimpíada Filosófica de Galicia. Esta cita reúne na Facultade de Filosofía de Santiago de Compostela a rapaces e rapazas de toda Galicia que chegan á fase final.  

O IES Isidro Parga Pondal leva participando na Olimpíada dende a súa primeira edición e aínda que non é a primeira vez que chega a final, si é a primeira vez que vai participar na final nacional que terá lugar en Mérida, no mes de maio. E por partida dobre, nada menos: na modalidade de fotografía e na de curtametraxe.

Chelsy González Besada e Ana Rodríguez Torresín gañaron onte o Primeiro Premio coa súa curtametraxe Serendipia

Pola súa parte, Alba Collazo Collazo e María Rodríguez Lamas acadaron o terceiro  e segundo premio respectivamente na modalidade de fotografía.

Se queres ver os traballos premiados, preme aquí.

Aproveitando que contan coa colaboración da compañía teatral 100 tolas, “O mundo que queremos” volveu o mércores á actividade co taller teatral. Os/as alumnos/as participantes asistiron a xogos e a escenificación dun caso real que retrata as condicións a que se ven sometidos os traballadores que veñen de fóra en busca das oportunidades que non atopan nos seus países de orixe. Ler máis.

    O alumnado de 1º de Bacharelato que cursa a materia de ORATORIA está a participar no concurso O Club de debate que organiza o Concello de Carballo.  Xa están formados os dous equipos, Partido Pondaliano e Xuvengalia, cos que a profesora que coordina esta actividade,  Beatriz Cuesta e o Equipo de Dinamización Lingüística do centro  poñen ao Parga Pondal na compentición.

    O mércores, 8 de febrero, asistiron á fase de presentación con gran aproveitamento por parte do alumnado.  Esta xornada tivo lugar no Centro Municipal de Formación Isaac Díaz Pardo (Oleiros) e serviu para que todo a alumnado participante se relacionase con outros concursantes  de Ferrol e Oleiros e coñecera as bases do concurso.

   O tema a debater  na 1º fase que terá lugar en Carballo o mércores 15 de Marzo será: Os deberes escolares son convenientes para a educación? 

Informarase do lugar e hora deste encontro cando dispoñamos a información, asi como das datas e horario no que se relizarán as fases seguintes.

Desexámoslles moita SORTE  a tod@s os participantes.

O noso centro xunto a outros 5 máis comezamos este 2017 cos obradoiros de comunicación de O Mundo que Queremos, centrados no uso de ferramentas como a radio e a fotografía para a sensibilización sobre problemáticas sociais. Ler máis...