O alumnado de 3º e 4º de Diversificación Curricular ven de viaxar a Santiago para visitar a Escola Galega de Consumo. A actividade está organizada polo departamento de Língua Castelá e Literatura e realizouse durante a mañá e parte da tarde do luns día 28 de abril.

Dentro do conxunto de actividades organizadas para conmemorar o centenario do nacemento de Laxeiro, ven de realizarse unha visita á fundación Laxeiro en Vigo. A actividade foi organizada polo Departamento de Actividades Extraescolares, estivo dirixida a 3º de E.S.O. e tivo lugar durante a mañá e parte da tarde do luns 28 de abril.

O alumnado de 1º curso da E.S.O. ven de realizar unha viaxe didáctica a Bande, en Celanova, organizada polo departamento de Língua Galega. A viaxe tivo lugar durante a mañá e a tarde do mércores, 30 de abril.

O venres día 25 de abril visitaranos a poñente Dna. Maljorys del Carmen Peña para impartir un obradoiro de educación para a igualdade de xénero destinado ao alumnado de 2º de E.S.O. (grupos A e B).

Dna. Maljorys del Carmen Peña traballa na República Dominicana en institutos que reciben alumnado de barriadas conflitivas. Empéñase sobre todo en tratar o tema do desenrolo persoal e de respecto de xénero como instrumento máis do labor educativo e social.

Alumnos do Laxeiro van participar do 18 ao 20 de abril na primeira Liga de Debate de Galicia promovida pola Dirección Xeral de Xuventude e Solidariedade.

O obxectivo da actividade é fomentar entre os estudantes galegos os debates de competición entre dous equipos. En total serán 24 centros de todo Galicia os que participan nesta primeira edición, onde desenvolverán o tema: Debe primar a seguridade pública fronte ás liberdades individuais?.

Ao igual que en cursos anteriores, dende o Ministerio de Educación de colaboración coa Dirección Xeral de Tráfico, estase a realizar a campaña de prevención de accidentes e as súas consecuencias graves "Te puede pasar".

A campaña consiste nunha charla-coloquio impartida por un médico e un parapléxico da Asociación para o Estudo das Lesións Medulares (AESLEME).

No noso centro realizarase o luns 14 de abril ás 16:30 h, e asistirá o alumnado de 1º BAC, de Ciclos Formativos que non se atope facendo as FCT nas empresas, e de EPA.

O pasado día 13 de marzo tivo lugar o I concurso de avións de papel "Gumersindo Areán" organizado polo departamento de tecnoloxía en colaboración co departamento de actividades. Houbo un grande éxito de participación nas tiradas das modalidades de distancia e duración, que se realizaron no ximnasio do centro.

Dende o venres día 22 de febreiro temos no centro unha exposición de debuxos de Laxeiro. Co título "Os Monos de Laxeiro", expóñense unha serie de debuxos humorístico-críticos no andar do edificio B.

Os alumnos e alumnas de 1º Bac de Ética e Filosofía do Dereito veñen de obter o 1º premio da modalidade de Bacharelato no concurso "O Parlamento: a túa casa" organizado polo Parlamento de Galicia.

Obtivemos este premio pola elaboración dun proxecto de lei de Desenvolvemento rural de Galicia no que propúñamos medidas para evitar o proceso de despoboamento e abandono que esta padecendo o noso agro.

O curso pasado tamén participamos no concurso, obtendo o 3º premio cun proxecto de lei de Eutanasia.

O vindeiro 23 de febreiro celébrase o centenario do nacemento de "Laxeiro". Como sabedes, o noso instituto sempre tivo unha relación próxima e de colaboración con este persoeiro.

Esta semana comezan as actividades de conmemoración do centenario. Entre as actividades coas que contaremos temos un obradoiro de animación á escultura e de escultura en barro a cargo do escultor Luchi.