Enderezo: Avenida Buenos Aires Nº 71 - 36500 Lalín - Pontevedra
Teléfono: 886 15 19 40 - Correo electrónico: ies.laxeiro@edu.xunta.gal
IES Laxeiro |
|
Enderezo: Avenida Buenos Aires Nº 71 - 36500 Lalín - Pontevedra Teléfono: 886 15 19 40 - Correo electrónico: ies.laxeiro@edu.xunta.gal |
|
Club de CienciaAínda que sempre tiñamos a ciencia presente no noso centro... Foi no curso 2018/2019, no que se "funda" o Club de Ciencia!
Con Marina Pardal Varela a nosa Coordinadora. Promocionando iniciativas STEM ( Ciencias, Tecnoloxías, Enxeñerías e Matemáticas) III Concurso Luis Gustavo - convocatoria 2021-2022Xa temos en marcha a terceira edición o III Concurso de Ciencias na honra do noso "principiño" Luis Gustavo Rodríguez Taboada. Para saber mais >> Acceder a Páxina Web do Concurso Luis Gustavo.
Noticia publicada no Faro de Vigo -> https://www.farodevigo.es/deza-tabeiros-montes/2021/12/18/uxia-rapado-gana-segunda-edicion-60802748.html Noticia publicada na Voz de Galicia -> https://www.lavozdegalicia.es/noticia/deza/2021/12/18/uxia-rapado-ganadora-premio-luis-gustavo-rodriguez/0003_202112D18C2991.htm Decoración de Nadal con Ciencia!Felicitamos as festas con símbolos químicos da táboa periódica e montamos a árbore de nadal empregando material de laboratorio: soporte metálico, pinzas e matraces esféricos. Fe - Li - Ce - S Fe - S - Ta - S Para obter os diferentes líquidos de cores realizamos a práctica de medición do pH con col lombarda. A experiencia mostrou como a lombarda pode ser empregada como un indicador de pH natural e permitiu construír unha escala de pH segundo as cores obtidas para as substancias analizadas.
MES DA CIENCIA EN GALEGOO club de ciencia do IES Laxeiro celebra o mes da Ciencia en Galego coa realización dunha serie de actividades que permiten divulgar o coñecemento dun xeito diferente e accesible a toda a comunidade educativa. A programación inclúe proxeccións audividuais, elaboración de carteis en honor aos homenaxeados, exposicións científicas e talleres para experimentar.
INFLUENCIA DA COVID-19 EN PARÁMETROS DA VIDA DOS ADOLESCENTESInvestigamos sobre o impacto psicolóxico e social nos adolescentes como consecuencia da situación de alerta sanitaria provocada pola COVID 19 para comprender e actuar ante as dificultades ás que se están enfrontando.
No estudo analizáronse diferentes parámetros: niveis de estrés, ansiedade e depresión, efecto nos resultados académicos, cambios na escala de valores, hábitos e conductas dos adolescentes.
As conclusións e desenvolvemento do proxecto poden lerse no documento adxunto.
» Estudio complementario ao de Seguridade nas Aulas en tempos de COVIDPresentamos a memoria informe do estudio científico que fomos desenvolvendo ao longo de este curso 2020-2021 como proxecto complementario ao estudio de Seguridade nas Aulas en tempos de Covid. Nesta parte fíxose mais caso a deseñar e fabricar un medidor de CO2, dende unha perspectiva do "hardware libre" coñecido como unha extensión do proxecto ARDUINO. O Medidor da calidade do aire das nosas aulas resultou económico, unha solución baseada no ESP32 conectado con dous sensores de tipo analóxico MQ-135 e de tipo dixital CSS811. O "plus" de este estudio, realmente, foi o de experimentar unha das aplicacións do IoT (Internet of Things), o Internet das cousas e o servizo da nube, Cloud Computing (ThingSpeak), para un ámbito científico escolar. Un éxito! Acceso ao Documento --> Memoria Informe do Estudio complementario ao de Seguridade nas Aulas en tempos de Covid. Acceso a unha Carpeta compartida onde está todos os recursos e materiais do estudio. Memoria Informe, documentos, gráficos, programas...
» Tabla periódica tridimensional terminada.Este ano terminouse o proxecto da táboa periódica tridimensional. O ano pasado fixemos tres caras: o símbolo, as propiedades e as aplicacións. Este ano completamos con mulleres científicas galegas, e algunha internacional. Na cuarta cara está un código QR en cada científica que vos leva á información que buscastes o ano pasado, e que o departamento de galego axudou a pulir. Moitas gracias a tod@s por participar. Ide a ver como quedou o voso traballo.
» ROMPECOCOSAnte a situación de crise ocasionada pola COVID-19, este curso decidimos facer actividades individuais en lugar das de grupo coas que traballamos estes últimos anos. DÍA DE PI Para celebrar o día de PI fixemos varias actividades con un resultado moi positivo. As actividades mais salientables foron: CLUB DE CIENCIA: ALIMENTACIÓN SAUDÁBEL "O ENIMIGO INVISÍBEL" 05/06/2021 16:26
Europe/Madrid
O alumnado de 2º de ESO que estivo traballando no proxecto ALIMENTACIÓN SAUDÁBEL "O ENIMIGO INVISÍBEL", está a realizar unha presentación, nos cursos de 1º da ESO, na que dan conta de seu traballo sobre o consumo de "azucre engadido" en estudantes da ESO do IES Laxeiro. Os obxectivos principais foron valorar o grao de cumprimento das recomendacións da OMS sobre a inxesta de "azucre libre" (<25 gr/día); e por outra parte, concienciar sobre a necesidade duns hábitos de alimentación saudabeis, que xunto coa actividade física, son os mellores medios para manter un bo estado de saúde.
Participamos nos talleres de GalicienciaO 27 de maio, o alumnado de 4ª ESO realizou o taller "Microbioloxía para entender o mundo" organizado por Galiciencia na súa edición online. A través de exemplos cotidianos descubriron como a microbioloxía xoga un papel fundamental tanto na nosa saúde como no noso día a día. Entre outras actividades simularon o mecanismo de funcionamento da reacción en cadea da polimerasa (PCR) para comprender como se pode empregar no diagnóstico de enfermidades.
Actualidade e Ciencia!
» |
Novos números
|