Como xa saberedes o próximo día 21 de Xuño faremos unha saída de sendeirismo polo Camiño Inglés a Santiago de Compostela, a ruta será dende Cabeza de Lobo ata Sigüeiro, serán aproximadamente uns 20km, ou o que o mesmo unhas 5 horas indo amodiño.

Faremos a saída do instituto ás 9:15 da mañá en autobús ata o lugar de inicio da ruta, e voltaremos sobre ás 14:30 tamén en autobús dende Sigüeiro.

É recomendable que levedes o seguinte para non ter ningún tipo de problema.

Calzado cómodo para andar.

Gafas de sol.

Crema protectora para o sol.

Unha pequena mochila, que podedes compartir con auga e algo para comer, algunha barriña enerxética ou algo polo estilo.

Cámara de fotos, para logo expoñelas na web.

Se tedes na casa podedes levar protectores para ás ampollas dos pes, sobre todo a xente que non esté afeita a andar.

Moitas ganas de andar.

Podedes ver a ruta con máis detalle en google earth  neste arquivo. Para ver o arquivo correctamente pinchade co botón dereito do rato e gardádeo no voso disco duro, logo abrídeo con Google Earth e veredes a ruta, poderedes facer zoom etc.