Viva o Entroido! Un novo programa en Onda Candeira

Recuncan os programas de Onda Candeira, a emisora do IES Politécnico. Desta volta, o alumnado de 1º ESO A conduce Viva o Entroido! un novo programa centrado nas máscaras do Entroido galego. Neste episodio coñeceremos personaxes como as Pantallas de Xinzo, os Cigarróns de Verín, o Oso de Salcedo ou os Xenerais do Ulla... 

Xa o podedes escoitar en: https://www.ivoox.com/viva-o-entroido-2-2-2024-audios-mp3_rf_123602162_1.html

Ademais, con este programa queremos conmemorar o vindeiro Día Mundial da Radio, que se celebra o día 13 de febreiro de 2024; e mandar un saúdo aos nosos amigos e ás nosas amigas de Ponte nas Ondas, o proxecto educativo radiofónico que une Galiza e Portugal. 

Así que xa sabedes, gozade do Entroido e as súas máscaras!! 

E non deixedes de escoitar Onda Candeira!