Normativa, Calendario, Plan de actividades, Documentos, Conmemoracións, Semana cultural

Coa intención de finalizar a primeira avaliación cunha xornada de convivencia entre o alumnado de 1º ESO, disfrutar do aire libre, da actividade física e da natureza, o xoves 21 de decembro realizouse unha camiñata na contorna de Baroña e o Alto da Lomba.

Entre outros, poideron visitar os muíños e Capela de San Tomé, na parroquia de Baroña. Foron acompañados por Ovidio, presidente da Comunidade de Montes Veciñais en Man Común de Baroña, que fixo de guía e explicou algunhas das tarefas que se realizan na comunidade así como a historia da Capela de San Tomé.

A media mañá repuxeron forzas na Sobreira de Penas e antes de ir coller o autobús de regreso, ainda dou tempo a visitar a igrexa parroquial.

No primeiro recreo do luns 18 de decembro, fíxose o sorteo das 2 cestas de nadal.

Os números premiados foron o 3690 e o 1088.

As alumnas que venderon as rifas fixeron entrega das respectivas cestas ás dúas agraciadas.

O alumnado de 2º de bac de Historia da Arte participou nunha viaxe cultural a Madrid os días 15, 16 e 17 de decembro.

Ademais de coñecer os lugares máis emblemáticos da cidade (Puerta del Sol, Alcalá, Gran Vía…),  visitaron o Museo Reina Sofía, o Museo do Prado e asistiron á obra de teatro “La función que sale mal”.

Para ver máis fotos pulsar AQUÍ

Dentro das actividades propostas polo Concello para a conmemoración do 25 de Novembro, o alumnado de 1º de Bacharelato recibiu unhas clases para aprender estratexias para afrontar situacións de desigualdade física. Estas clases foron impartidas por Israel e Clara da escola de boxeo "EL CANARIO"de Ribeira entre o 29 de novembro e o 1 de decembro.

Para ver máis, pulsar AQUÍ

Durante a mañá do luns 20 de novembro, o alumnado de 3º da ESO asistiu a unhas charlas sobre agresións sexuais e violencia sexual no salón de actos.

O mércores 22 de novembro, o alumnado de 4º de ESO e de 1º de Bacharelato asistiu a unha obra de teatro “O pequeno poni” na Casa da Cultura de Porto do Son.

Con esta obra pretendese visibilizar unha lacra desgraciadamente asentada nalgúns dos nosos colexios e institutos: o acoso escolar e concienciar sobre a importancia da aceptación de quen é diferente.

Ao remate, o alumnado participou nunha charla coloquio sobre a temática tratada na obra.