Imaxe persoal

O día 12 de abril, o Doutor Javier Santander e o seu equipo visitaron o noso centro co fin de realizar unha charla sobre Cirurxía e Medicina Estética, á que asistiron as alumnas do Ciclo Superior de Estética Integral e Benestar.

Explicaron como é o seu traballo e as distintas técnicas que empregan en Cirurxía Plástica, Medicina Estética, Micropigmentación e Drenaxe Linfático Manual.

Ao remate, as alumnas quixeron facer unha foto cos/as poñentes como recordo dunha formación que lles resultou moi proveitosa.

Grazas pola súa colaboración co IES de Teis!

As alumnas do Ciclo Superior de Estética Integral e Benestar visitaron o Balneario de Cuntis.

Pola mañá, tiveron a posibilidade de practicar as distintas técnicas hidrotermais que posúe o centro (bañeiras, duchas, chorros, piscinas…) e pola tarde desfrutaron do Aquaform, circuíto lúdico relaxante.

Grazas ao persoal do balneario pola atención recibida.

O pasado 5 de marzo, o alumnado de Maquillaxe de 1º CMEB e  de Peitado 2º CMPCC e as súas profesoras.

Participaron nunha actividade co alumnado e profesorado dos ciclos de  Audiovisuais, para peitear e maquillar as actrices e actores de grabacións en plató, para televisión, sobre capítulos da serie Friends.

Foi unha experiencia moi positiva, tanto  o alumnado coma o profesorado dos dous centros  quedaron moi satisfeitos.

Volveremos!

Ata a próxima!