Plan de dinamización lingüística

E rematou o curso e con el as actividades do equipo de Dinamización! Con todo, non puido haber mellor final ca este musical baseado na historia da literatura galega e que leva por título Os camiños da lingua. 

Desde aquí, queremos agradecer a todo o alumnado polo seu compromiso, a súa lealdade e a implicación que demostraron desde o inicio de curso para sacar adiante este espectáculo. Podedes atopar unha mostra fotográfica nos arquivos adxuntos. 

Ata sempre!! 

O pasado 10 de maio o alumnado de 1º, 2º e 3º de ESO participou na edición do Correlingua 2023 que se celebrou na cidade de Ourense. Ata alí desprazáronse tamén os compañeiros Pablo Fojo -titor de 1ºESO- e Elba Rodríguez -titora de 2ºESO- para acompañar o alumando durante toda a xornada.

Na imaxe que amosamos, podemos ver a pancarta que realizamos. 

Co gallo da conmemoración do Día de Rosalía, o EDLG do centro levou a cabo unha instalación artística na que se poden ler os poemas máis reinvidicativos da autora. Estes poemas están distribuídos en diferentes espazos do centro, entre eles a Biblioteca, tal e como se pode ver nos arquivos adxuntos.

Por outra banda, cómpre dicir que estamos editando unha serie de videopoemas que teñen como base os poemas expostos, e que subiremos en canto a edición estea rematada.

Durante o curso 2022/2023, o equipo de dinamización está formado polas seguintes persoas:

a)    

Persoal docente:

Dona Ana García Early, profesora do departamento de Xeografía e Historia.  

Dona Silvia Moledo Martínez, profesora do departamento de Música.

Don Gonzalo García Fortes (coordinador, profesor de Lingua Galega e Literatura).

b)    

Alumnado:

Gisela Vega Moure (2º Bacharelato).

Azael Fenoy García (1º Bacharelato).

Mirian García Pérez (2º Ciclo Superior de Sistemas Electrónicos e Automatizados).

c)     

Persoal non docente.

Don Cesáreo Meiriño Gallego, conserxe do centro educativo.

O plan para o fomento do uso da lingua galega pódese consultar no arquivo adxunto. 

Eis unha das últimas actividades do EDLG deste curso académico. Desta volta quixemos facer unha chiscadela ao noso país veciño, Portugal e ao mundo da Lusofonía. Con esta actividade implicamos a toda a comunidade educativa na que coñecemos de primeira man os seus coñecementos sobre Portugal. Os encargados de realizar as entrevistas foron os alumnos de 1º Bacharelato.

Por outra parte, o alumnado de 2º ESO realizou un mural sobre os países que forman a Lusofonía e, finalmente, unha parte do alumnado de 3º ESO e de 4º ESO versionou o himno da Revolução dos cravos, Grândola, Vila Morena de Zeca Afonso.

Para coñecer todas estas iniciativas, visita o facebook do instituto:  https://www.facebook.com/xerman.ancocheaquevedo

Moitísimas felicidades a todo o alumnado, ao claustro e a toda a comunidade educativa do Xermán Ancochea.