Premios e distincións
De novo, como anos anteriores, temos unha boa nova que comunicarvos. Fomos seleccionados na convocatoria actual dos Contratos-Programa, plans dirixidos á mellora do éxito escolar.
Os plans do IES Xulián Magariños incidirán nos seguintes ámbitos de actuación:
1- Reforza-T (Acompañamento fóra do horario lectivo) para mellorar competencias básicas en matemáticas e ciencia e tecnoloxía e en comunicación lingüística. Dirixido a alumnado de 1 e 2 ESO.
2- Mellora das competencias clave (A,B,C) co establecemento de grupos de reforzo
3-Iguala-T para establecer accións de promoción da igualdade e prevencións de violencia de xénero
4-Con-VIVE para desenvolver medidas que favorecan a convivencia e bo clima no centro e nas aulas
5- Inclue-T para poñer en marcha medidas de atención a diversidade
7- Mellora do nivel de coñecementos para acadar a excelencia (dentro do cal ofrecemos o Club de Programación)
8-Mellora da calidade na xestión de centros
9-Reforzo das competencias clave en 3 e 4 ESO con acomañamento fóra do horario lectivo (A)
A firma do Contrato Programa, que terá lugar a volta das vacacións, ven ratificar a liña educativa seguida polo IES Xulián Magariños e supón poder dispoñer de máis recursos económicos e humanos para levar a cabo o noso labor.
A INFORMACIÓN SOBRE ESTA CONVOCATORIA A PODEDES ATOPAR NO PORTAL EDUCATIVO
O talento do noso alumnado non deixa de darnos alegrías. A alumna de 4º ESO , Iria Sánchez del Río foi premiada co 2º premio de narrativa no Certame Literario Concello de Ames, co relato titulado "O vestido vermello". Foron 176 traballos presentados así que moitos parabéns para Iria. O certame literario Concello de Negreira otorgou o 1º premio á alumna Lara López Suárez, que se presentou co conto "Atada por amor" , una fermosa historia que nos leva á época de Almanzor no ano 968 e na que se narra a historia de Subh, una concubina valente exemplo de superación e optimismo. O 3º premio foi outorgado a Andrea Losada, alumna tamén de 4º de ESO polo conto "As costureiras de Mondoñedo".
O alumnado do noso centro fixo pleno no certame de pintura do Concello de Negreira. Os tres premios da categoría 13-18 anos foron a parar a Paola Enjo, María Lista e Julián Rey, alumnos de 1º BAC, 1º ESO e 3º ESO respectivamente. Noraboa e que sigades a perfeccionar a vosa formación artística.
Moitos parabéns a este alumnado que demostra como traballando duro se consiguen os triunfos.
O equipo do Club de Debate outro ano máis gaña a Gran Final Galega de Clubs de Debate. Noraboa ao alumnado participante, á preparadora Sara Porrit, a delegada do centro María José e a todos os participantes nesa festa da palabra. Queremos agradecer tamén o incondicional apoio dos compañeiros e familiares que acompañaron o equipo a Pontevedra.
Ao fio dun proxecto do departamento de Educación Física sobre reducir o excesivo peso das mochilas escolares recuperamos o interesantísimo traballo de investigación sobre hábitos saúdables premiado hai dous anos no noso certame de Premio de Investigación Científica. Un interesante estudo que segue a estar mais vixente ca nunca e que foi elaborado por Alba García, Soraya Lorenzo, Alicia Fernández e Nerea Leis. Animámosvos a leelo con calma e facervos as preguntas que nel se facían.
No traballo se estudaban e aclaran aspectos coma:
-Hábitos de sono e descanso
-Hábitos alimentarios
-Tipos de alimentos saudables
-Tempo adicado ao exercicio físico
-Hábitos posturais
-Uso da mochila escolar
-Uso do móbil
-Consumo de tabaco e alcohol
Parabéns a dúas excelentes alumnas do noso centro, Inés e Lara, que o vindeiro ano cursarán 1º de bacharelato nun centro en EEUU ou Canadá xa que acaban de ser seleccionadas no programa de becas da Fundación Amancio Ortega!! CONGRATS!!!
Parabéns a nosa alumna Alicia Romarís, gañadora do Concurso de pintura Mural da Deputación da Coruña. O xoves 10 de xaneiro tivo lugar un pequeno acto de entrega do premio no centro.
Hoxe, durante o acto de inauguración do curso 18/19, presentouse o IX Premio de investigación do IES Xulián Magariños, este ano amadrinado por Dna. Pilar Bermejo Barrera, decana da facultade de Química da USC.
Este premio, dotado con 300 €, está destinado a alumnado do IES Xulián Magariños que estea cursando 4º ESO, Bacharelato ou ciclos formativos medio e superior. O prazo de entrega dos traballos rematará o 1 de maio de 2019.
Podedes consultar as bases no seguinte enlace.
O prazo de presentación de solicitudes rematará o venres 6 de xullo de 2018.
Para poder optar ao premio hai que ter rematado 4º ESO este ano cunha media global nos 4 cursos de ESO igual ou superior a 9.
As solicitudes subscribiranas directamente as persoas interesadas con plena capacidade de obrar ou, se é o caso, os/as representantes legais dos/as solicitantes.
A celebración da proba terá lugar o día 6 de setembro de 2018.
Temos a comunicación oficial dun novo premio, esta vez no programa “apuntámonos a non beber” dentro do Plan Proxecta. Gañamos xunto co centro “irmán”, IES Carlos Casares de Viana do Bolo, doble alegría. Parabéns a 1º ESO B e a súa titora polo bo traballo!!!
Aquí vos deixamos o traballo gañador, un excelente exemplo de contrapublicidade.
IMAXE ORIXINAL
IMAXE MODIFICADA
Contrapublicidade: Bacardí Mojito
Para esta campaña escollimos unha foto dun anuncio de ron da marca Bacardí, a bebida en cuestión chámase Bacardí Mojito.
En primeiro lugar quixemos facer un xogo de palabras co nome da propia bebida e por iso cambiamos o nome de "mojito" por "ojito" decorando a palabra con dous ollos de lince ben abertos. Estes representan o vulnerables que podemos chegar a ser se non "andamos con ollo" e nos deixamos levar polo alcol.
Por outra parte, chamounos a atención a beleza da protagonista do anuncio, unha muller xove e atractiva, cuns labios carnosos e unha lingua sensual. Substituimos a lingua sensual por unha serpe velenosa que simboliza os perigos do alcol. A serpe que escollimos é unha serpe bonita, pequena, non da medo, nin noxo, pero o veleno que leva dentro é tan destructivo coma a bebida alcólica que nos queren vender no cartaz.
Por último, no anuncio orixinal poden verse os diferentes pasos para realizar un mojito. Nós cambiamos estes pasos por mensaxes estremecedoras sobre os efectos do alcol no organismo.
MÁIS PREMIOS PARA O ALUMNADO DO IES XULIÁN MAGARIÑOS:
Premios de pintura ¨Negreira en cor¨ do concello de Negreira na categoría de 13 a 18 anos:
- 1º premio - Laura Rodríguez Capeáns, pola obra A colleita de 1º ESO C
- 2º premio - María Suárez Canoura, por Paisaxe de 3º ESO C
- 3º premio - Paola Enjo Lueiro, coa obra Orange de 4º ESO A
Os premios consistiron nun vale en metálico de 200, 100 e 50 euros, respectivamente, e en cuxa entrega participaron o alcalde de Negreira, Jorge Tuñas Caamaño, e maila concelleira de Educación, María Jesús Veiga Hortas.
PARABÉNS UNHA VEZ MÁIS!!!