4ºESO
O xoves 19 de outubro o alumnado de 3º e 4º de ESO, FPB e Bacharelato terá a ocasión de disfrutar dunha divertida e gabada representación musico-teatral a cargo do grupo de teatro do IES de Brión. Agardamos que vos guste.
A Consellería de educación financia as probas de acreditación lingüística (B1, B2 e C1) en linguas estranxeiras que se realizarán durante o curso 23-24 en centros públicos de secundaria, bacharelato e FP.
As probas están destinadas a alumnado de bacharelato, ciclos de formación profesional e alumnado de 4º de ESO,
O número de prazas financiadas é limitado e suxeito a unha orde de preferencia , tendo preferencia aquel alumnado que curse ensinanzas nunha etapa plurilingüe e asimesmo por cursos ( 2º BAC, 2º CICLOS FP, 4º ESO, 1º BAC, 1º CICLOS FP)
O ALUMNADO INTERESADO TEN QUE MANDAR UN CORREO ELECTRÓNICO AO CENTRO CO COMPROMISO ASINADO E ESCANEADO
COMPROMISO INDIVIDUAL DE ACEPTACIÓN E PARTICIPACIÓN(editable odt) (PRAZO ATA 3 DE NOVEMBRO)
Máis información na web da Consellería (non facer caso do apartado cubrir a solicitude xa que é exclusivamente para os centros educativos)
O xoves 4 de maio tivo lugar a Feira das Profesións 2023 organizada conxuntamente polos departamentos de orientación do IES Xulián Magariños, do IES de Ames e do IES de Brión. Contou coa presenza dun importante número de expositores entre os que contamos con universidades, CIFP, IES, CFEA, etc., así como con profesionais individuais de diferentes campos que achegaron ao alumnado o día a día das súas respectivas ocupacións.
O evento tivo lugar na Sala de Usos Multiples do IES de Ames e o horario é o seguinte:
De 10 a 14 horas asistencia do alumnado dos tres centros educativos.
De 16 a 18:30: Xornada de Portas Abertas para todo o alumnado e familias dos centros da contorna que quixeron asistir.
Ás 18:30 acto de clausura.
Repercusión nos medios de comunicación
Emoción e alegría, xa que despois de 3 anos puidemos retomar o noso tradicional concurso de entroido. Queremos dar as grazas ao profesorado e alumnado que se implicou nel e que nos permitiron pasar uns ratos moi agradables e divertidos.
Ao final da gala todos puidemos disfrutar das ricas filloas que ANPA e Concello nos fixeron chegar. Moitas grazas tamén a eles. No noso Facebook podedes ver fotos da xornada.
Un ano máis organizamos a Feira das Profesións 2024 en colaboración cos departamentos de orientación dos IES de Ames e Brión. Nesta edición contaremos con máis de 40 expositores entre os que se atopan centros que imparten ciclos formativos de FP, universidades, corpos e forzas de seguridade, profesionais independentes de distintos campos, empresas e administracións públicas. Este ano, como novidade, contaremos cun espazo no que terán lugar diversas charlas de orientación ás que o alumnado poderá asistir libremente se son do seu interese.
A feira terá lugar no pavillón polideportivo de Brión o xoves 4 de abril, e aparte de alumnado poderá asistir libremente o público xeral e as familias pola tarde entre as 16:00 e 18:30 horas. As 18:30 horas terá lugar o acto de clausura coa presenza das alcaldías dos tres concellos e representación das direccións dos centros organizadores.
Animámosvos a que visitedes a Feira pola tarde en familia, que de seguro vos axudará na toma de decisión da futura traxectoria académica e/ou profesional dos vosos fillos.
Xa están publicadas as listaxes definitivas de solicitudes de Fondo libros (4º ESO) e das axudas de material escolar. Poden consultar os libros adxudicados na aplicación web Fondo Libros da Consellería de Educación ou no taboleiro de anuncios do centro.
Poden pasar polo centro a recoller o vale de material escolar entre as 10:00 e as 13:30 durante o mes de xullo ou a partir do 1 de setembro.
Tamén están publicados no taboleiro de anuncios do centro os libros de 3º ESO que se facilitarán ao alumnado do centro para materias que non están dentro do proxecto Edixgal. Lembramos que estes libros se prestan a maiores do material Edixgal facilitado, a través dun procedimento propio do IES Xulián Magariños, co que se pretende dar utilidade aos libros dispoñibles no centro e aforrar custos as familias.
Achégase calendario de fin de curso.
O último día de clase, mércores 21, o alumnado de 1º e 2º de ESO devolverá o equipo EDIXGAL limpo e en perfectas condicións (ordenador, cargador , lápis e maletín con arnés). O ordenador será revisado e actualizado e lle será entregado de volta no inicio do curso 23-24. Se algún alumno cambia de centro tamén terá que entregar a caixa do ordenador e un documento de devolución asinado pola familia.
Igualmente o alumnado ten que devolver en correcto estado todos os libros de texto que lle foran prestados polo fondo de libros ou polos departamentos. Lembramos que a correcta devolución dos libros e material que lles fora prestado este ano é condición indispensable para poder participar no fondo solidario de libros ou recibir o equipo EDIXGAL no vindeiro curso. Tamén se devolverán as chaves da taquilla para ter dereito á devolución da fianza, e os libros que se colleran prestados na biblioteca.
Acaba de saír publicada no D.O.G. a convocatoria de fondo solidario de libros de texto e axudas para adquirir material escolar. O prazo de solicitude será ata o 21 de xuño
https://www.edu.xunta.gal/portal/fondolibros
A axuda de material escolar a pode pedir todo o alumnado que vaia cursar de 1º a 4º ESO no vindeiro curso 23-24. Son 75€ para alumnado con renta per cápita familias ata 6000€ e 60€ se a renda per cápita familiar está entre 6000 e 10000 euros.
O Fondo solidario de libros no noso centro so se aplica ao alumnado que vaia cursar 4º ESO. Lembramos que o noso centro é centro EDIXGAL en 1º 2º e no vindeiro curso 3º ESO
Probas de acceso ao ciclo medio de FP.
Período de inscrición: 27 de febreiro a 10 marzo. Data da proba: 25 de maio de 2023
Para persoas que non teñan o título da ESO, FPB ou título similar que permita matricularse en ciclos de grao medio. Válidas para toda España.
Cumplir 17 anos ou maís no ano 2023.
Estrutura
a) Parte sociolingüística:– Lingua Castelá.– Lingua Galega.– Ciencias Sociais.
b) Parte matemática:– Matemáticas.
c) Parte científico-técnica:– Ciencias da Natureza.– Tecnoloxía
MAIS INFORMACIÓN EXEMPLOS DE EXAMES DE ANOS ANTERIORES
Probas de acceso ao ciclo superior de FP
Período de inscrición: 23 de xaneiro a 3 febreiro Data da proba: 20 de abril de 2023
Para persoas que non posúan o título de bacharelato nin un título de técnico de formación profesional, nin outros estudos equivalentes para os efectos de acceso. Válidas para toda España.
Cumplir 19 anos ou maís no ano 2023.
Estrutura
a) Parte común:– Lingua Castelá.– Lingua Galega.– Matemáticas
b) Parte específica:– Organizarase con base en tres opcións, A, B e C, en función das familias profesionais e os ciclos formativos a que posibilita o acceso.
– Opción A: Economía da Empresa, Lingua Estranxeira (inglés ou francés) e Filosofía.
– Opción B: Debuxo Técnico, Tecnoloxía Industrial e Física.
– Opción C: Ciencias da Terra e Ambientais, Química e Bioloxía
ACTUALIZACIÓN DO 22 DE XULLO: O alumnado de sección bilingüe de 3º ESO que tiña adxudicado o libro de Xeografía e Historia recibirá no seu lugar o libro de música.
ACTUALIZACIÓN DO 21 DE XULLO: Xa temos o resultado do reparto propio de libros de texto para 2º ESO. A listaxe dos lotes adxudicados está dispoñible no taboleiro de anuncios do centro, xunto co resultado da adxudicación de Fondo Libros de 3º e 4º ESO.
Rematados os prazos de reclamación publicamos as listaxes definitivas de libros adxudicados na convocatoria do fondo solidario de libros de texto e de vales para adquisición de material educativo. Están publicadas no taboleiro de anuncios na entrada do centro. A normativa non nos permite a súa publicación na web do centro.
FONDO LIBROS: Lembramos que os libros do fondo solidario son solo para alumnado de 3º e 4º de ESO. Os libros asignados entregaranse en setembro co inicio do curso. Para alumnado de 1º e 2º ESO o centro procurará un sistema de reparto equitativo dos libros existentes, pero polo momento non podemos dar prazos.
VALES DE MATERIAL: A partir de mañá día 19 de xullo pódese pasar por secretaría a recoller os vales de material escolar, ata o 28 de xullo en horario de 9:15 a 13:30, e logo en setembro a partir do día 1.